Philippi 3:8 - Dakota Wowapi Wakan Kin

⁸ Han, awicakehan taku owasin taku śni wadake, Jesus Messiya Itancan mitawa kin wosdonye oiyokipi kin on, iye on taku owasin toki eḣpewaya, qa hena tacesdi ece mdawa, Messiya iyowahi kte cin heon;

Philippi 3:8 ပူးပေါင်းရင်းမြစ်များ

Lukas 1:43

Qa Itancan mitawa hunku kin ekta mahi kte cin de token kapi he.

Lukas 11:20

Tuka miye Wakantanka napsukaza on wakan śica napewicawaya ehantanhan, Wakantanka tokiconze kin awicakehan nihiyohipi ce.

Johannes 14:20

Anpetu kin he en, Atewaye cin he wecica, qa niś miyecicapi, qa miś ocicipapi kin he sdohyayapi kta.

Johannes 14:7

Sdonmayayapi unkanś nakun Atewaye cin sdonyayapi kta tuka; qa detanhan sdonyayapi qa wandakapi ce.

Johannes 16:3

Atewaye cin sdonyapi śni, qa miś nakun sdonmayanpi śni, he etanhan henakiya hecen ecanionpi kta.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

Johannes 17:8

Nioie mayaqu qon he wanna wicawaqu; unkan ieupi, qa niye eciyatanhan wahi kin he tanyan sdonyapi, qa niye e umayaśi kin he wicadapi.

Johannes 20:13

Unkan, Winoḣinca, taku on yaceya he, eciyapi. Unkan iś, Itancan mitawa tancan kin icupi, qa toki ehnakapi kin sdonwaye śni ce, ewicakiya.

Johannes 20:28

Unkan Thomas ayupte c̣a heciya; Itancan mitawa, qa Wakantanka mitawa.

Olianyanpi kin 20:24

Tuka hena takuwada śni, qa wiconi mitawa kin teḣike wakida śni, iyuśkinyan ihunniyan waimnanke kta, qa wicoḣan Jesus Itancan maqu kin, Wakantanka towaonśida wotanin waśte omdake kte cin hee tanyan mduśtan kinhan.

Roma 8:18

De nakaha wicokakije kin he, wowitan unkiyepi en ecadan yutaninpi kte cin kici akiyecen yawapi kta e iyecece śni wadaka.

Roma 8:39

Qa taku wankantuya un kin, qa taku mahentuya un kin, qa taku icage cin tokeca, takuan Wakantanka towaśte, Jesus Messiya Itancan unkiyapi en un kin, he etanhan unyuśpapi kte śni e sdonwaye ḣinca.

I. Korinth 2:2

Niyepi kin ekta takudan sdonwaye kte śni e mic̣iconza, Jesus Messiya hecedan, qa he cansusbeca kin en okatanpi.

I. Korinth 9:10

Qa iś unkiyepi kin on hena hecen eya he. Unkiyepi kin on he wowapi en kagapi; hecen tuwe maḣyumdu kinhan woape en maḣyumdu kta, qa tuwe woape yuha aguyapi kapan kinhan he kici woape en okicipe kta.

II. Korinth 4:4

Hena ekta wicoicage kin de taku wakan tawa kin tona wicadapi śni wicotawacin kin wacinton śni wicakaga; Messiya Wakantanka ouncage kin hee, tawootanin waśte wowitan iyoyanpa kin he iyoyamwicaye kte śni heon etanhan.

II. Korinth 4:6

Wakan tanka iyoyanpa kin otpaza etanhan yege śi qon he uneantepi kin iyoyamunyanpi, Jesus Messiya itohnako kin eciyatanhan, Wakantanka towitan wosdonye iyoyanpa kin unqupi kte cin heon.

Galatia 1:16

Iye Cinhintku kin sdonye mayan iyokipi qehan, Ikcewicaśta wotanin waśte kin owicawakiyake kte cin heon, kohanna wicaceḣpi, wicawe ko, kici wowahdake śni:

Ephesos 4:13

Tohan owasin okonwanjidan wacinyanpi, qa Wakantanka Cinhintku sdonyapi kin ekta, qa wicaśta tanka Messiya toojudan kin iyehankeca iyutapi kin ekta iyounhipi kte cin hehanyan.

Philippi 1:1

Palos qa Timotheos, Jesus Messiya taokiyewicaye cin, topa Philippi ekta Jesus Messiya en owotanna un kin hena, qa waawanhdake cin hunka wicayapi ko, wowapi unnicagapi:

Philippi 3:10

Hecen he iye sdonwaye kta, qa piya ikicage cin wowaśake kin, qa iye kakije cin okicipapi kin hena ko, iye ṭe cin ouncage kin en imacage kta:

Philippi 3:12

Wanna dehan iyowahi, qa wanna mayuśtanpi kin ee śni; tuka kuwa amde, okinni taku on Jesus Messiya mayuze cin hee mduze kta.

Philippi 3:7

Tuka taku tona mihdamna qon hena Messiya on takuśni wadake:

II. Timotheos 4:6

Wanna wamihduśna kta iyemicihantu, qa wahde kte cin he wanna kiyadan ihan.

Hebrew 3:14

Tokaheya wicaundapi kin he owihanketa sutaya unhapi kinhan, Messiya en ounpapi.

I. Inyan 2:7

Niye wacinyayapi kin he teḣike yadapi; tuka tona waanagoptanpi śni kin hena, inyan tipi kagapi eḣpeyapi qon he oise pa ḣinca icaga, inyan on siha ibotopi qa imnija on śinhdapi ece kin hee;

II. Inyan 1:2

Wowaonśida, wookiye ko, Wakantanka sdonyapi kin en, qa Jesus Itancan unkiyapi kin on niciyuotapi nunwe.

II. Inyan 1:3

Iye towaśake wakan kin he taku on wiconi qa woohodapi kte cin owasin unqupi kin he iyececa, tuwe wowitan qa wookihi on unkicopi kin he sdonyapi kin eciyatanhan.

II. Inyan 1:8

Hena taku kin en niunpi qa niciyuotapi kinhan, Jesus Messiya Itancan unkiyapi sdonyapi kin en taku icaḣye c̣a waskuyeca aicage cin henicapi kta e nicagapi.

II. Inyan 3:18

Tuka wowaśte kin en, qa nakun Itancan unyanpi Wanikiya Jesus Messiya sdonyapi kin en icaga po. Iye kin wowitan nakaha qa owihanke wanica kiciun nunwe. Amen.

I. Johannes 1:3

Taku wanunyakapi qa naunḣonpi kin he unkoniciyakapi, hecen niye unyecicapi kta; unkan awicakehan Ateyapi kin kici okiciciya unyakonpi, qa nakun iye Cinhintku Jesus Messiya kici.

I. Johannes 2:19

Unkiyepi kin etanhan inanpapi, tuka hena unkicicapi śni. Hena unkicicapi unkanś, unkici pi un wacinpi kta: tuka owasin unketanhanpi śni tanin kta e heon etanhan hececa.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.