Philippi 3:2 - Dakota Wowapi Wakan Kin

² Śunka kin on waktaya un po; tona śicaya econpi kin on wakta po; wayuśpapi kin on waktaya un po.

Philippi 3:2 ပူးပေါင်းရင်းမြစ်များ

Mattheos 24:10

Unkan hehan wicaśta ota śihdapi kta, qa otoiyohi kicihnayanpi kta qa śicekicidapi kta.

Mattheos 7:15

Wicaśta wokcan itonpiśni kin hena kowicakipa po; hena taḣinca wanunyanpi iyecen koyag en nihipi, tuka mahen śunktokeca wayapota ece kin hecapi.

Mattheos 7:6

Taku tona wakan kin hena śunka wicaqupi śni po, qa inyan teḣika nitawapi kin kukuśe wicitokam eḣpeyapi śni po; okinni siha on amanipi kta, qa akeś hdicupi qa niyaḣdecapi kta.

Roma 2:28

Tuwe akan tanhan ecedan hecece cin, he Juda wicaśta kin heca śni; qa bakiḣdayapi akan tanhan qa wicaceḣpi ecedan en un kin he hee śni;

II. Korinth 11:13

Hena yewicaśipi itonśni kin hecapi, wohnaye oḣanyanpi, qa Messiya yewicaśi qon hena iyecen ihduzapi.

Galatia 5:13

Mihunkawanji, tawaiciyapi kin en nicopi, tuka tawaiciyapi kin he wicaceḣpi iyokipi kta e wowinyunyanpi śni po; tuka wowaśte on otoiyohi okiciciya po.

Galatia 5:15

Tuka yecidahtakapi qa temyeciyapi kinhan, on wakta po, okinni ihangye ciyapi kta naceca.

Galatia 5:6

Jesus Messiya en bakiḣdayapi kin he takudan okihi śni, qa nakun bakiḣdayapi śni kin; tuka wacinyanpi wowaśte en oḣanye cin he taku okihi ece.

Philippi 3:19

Hena owihanke kin he wicotakuniśni; iye tezipi kin Wakantanka yapi, wowiśtece kin en iwinktapi, qa taku makata un kin awacinpi ece.

Philippi 3:3

Tona bakiḣdayapi, qa wicocante on Wakantanka ohodapi, qa Jesus Messiya en iwinktapi, qa wicaceḣpi wacinyanpi śni kin heuncapi.

I. Timotheos 1:19

Wowacinye qa wicanagi waśte sutaya yahduhe kte cin heon. Wanjikśi hena eḣpeyapi qa on wacinyanpi ekta kamden iyeic̣iyapi.

Titos 1:16

Hena iś Wakantanka sdonyapi keyapi, tuka wicoḣan on aktapi śni, waḣtepi śni, wanaḣonpi śni, qa wicoḣan waśte owasin en wacintonpi śni.

II. Inyan 2:22

Tuka wiyacinpi eyapi wicakapi kin he iyecen waakipapi; Sunka taku hiyuye cin he ake hduta ce; qa, Kukuśe yujajapi qon he ake upśija en iwanka ce.

Judas 1:4

Wicaśta wanjikśi naḣmana en opapi, wanakajatanhan woyaco kin de on owicawapi; hena Taku Wakan iyececapi śni, qa Wakantanka unkitawapi towaonśida kin he wicowicaśtaśni kagapi, qa Wakantanka ecedan Itancan kin he anaḣmanpi, qa nakun Jesus Messiya Itancan unyanpi kin.

Wayuotanin 2:9

Nioḣan kin sdonwaya, wokakije wowaḣpanica ko nitawa kin, (tuka winijica;) qa tona Juda wicaśta keic̣iyapi qa hecapi śni, tuka Satan omniciye tawa kin etanhanpi, hena waaiapi kin nakun sdonwaya.

Wayuotanin 21:8

Tuka tona wikopapi, qa wicadapi śni, qa waḣtepi śni, qa kin wicaktepi, qa wawiciḣaḣapi econpi sa, qa wapiyapi, qa wakagapi ohodapi sa, qa oitonpiśni kin hena owasin mde wan peta qa inyan zi on itkonyahe cin he ohna taku tawapi kta, wiconṭe inonpa kin hee.

Wayuotanin 22:15

Tuka śunka, qa tona wapiyapi sa, qa wiinaḣmanpi sa, qa wawiciḣaḣapi econpi sa, qa wakagapi ohodapi sa, qa tuwe itonśni waśtedake c̣a econ kin hena tankan yakonpi ece.

Wayuotanin 3:9

Ito, Satan omniciye tawa kin etanhanpi Juda wicaśta keic̣iyapi, tuka hecapi śni, qa itonpi śni kin, hena iho, upi, qa nisiha kin itokam canpeśka makehde inajin wicawakiye kta, qa waśtecicida e sdonyapi kta.