Philippi 3:1 - Dakota Wowapi Wakan Kin

¹ Ehake mihunkawanji, Itancan kin en iyuśkin po. Taku kin dena on wowapi cicagapi kin he miye teḣike wadake śni, qa niyepi kin oh waśte.

Philippi 3:1 ပူးပေါင်းရင်းမြစ်များ

Mattheos 5:12

Wiyuśkinpi qa nina cante waśte po, maḣpiya ekta ocinyopeniyanpi tanka yanka; wicaśta wokcan nitokam unpi qon hena iś eya hecen wicakuwapi qon.

Lukas 1:47

Qa mitaniya kin he Wakantanka Wanikiya mitawa kin on iyuśkin ece.

Roma 5:11

Qa hecedan śni, tuka nakun Wakantanka kin en unkiyuśkinpi, Jesus Messiya Itancan unkiyapi kin eciyatanhan, he etanhan nakaha wookiye unhapi.

II. Korinth 13:11

Ehake, hunkawanjin ciyapi kin, wiyuśkin po; oihduśtan un po, cante wuśte po, okonwanjidan awacin po, wokiyapi kin en un po; qa wowaśte, wookiye ko Wakantanka kin nicipi un nunwe.

Ephesos 6:10

Unkan ehake mihunkawanji, Itancan kin en waśagya un po, iye towaśake wicookihi kin on.

Philippi 3:3

Tona bakiḣdayapi, qa wicocante on Wakantanka ohodapi, qa Jesus Messiya en iwinktapi, qa wicaceḣpi wacinyanpi śni kin heuncapi.

Philippi 4:4

Ohinniyan Itancan kin en iyuśkin po; qa ake, Iyuśkin po, epe.

Philippi 4:8

Unkan ehake mihunkawanji, taku wicakapi kin, taku yuonihanpi kin, taku owotanna kin, taku wakan kin, taku waśte dapica kin, taku waśte eyapi kin, wowaśte qa wowitan yuke cinhan, hena awacin po.

I. Thessalonike 4:1

Unkan mihunkawanji, Jesus Itancan kin on etanhan cinunniciyapi qa ceunniciyapi, token mayanipi, qa Wakantanka iyokipiyayapi kte cin, unkiyepi etannan iyacupi qon he iyecen sanpa iyoniptapi kte.

I. Thessalonike 5:16

Ohinniyan wiyuśkin po.

Jakob 1:2

Mihunkawanji, taku wawiyutanyan un kin ota ayakipapi kinhan, he wowiyuśkin ocowasin hdawa po:

I. Inyan 3:8

Ehake, owasin cante wanjidan hduwitaya onśikicida po; hunkawanjinkiciyapi kin iyecen waśtekicida po, waonśidapi qa wacantkiya po.

I. Inyan 4:13

Tuka Messiya kakije ciqon en oyapapi kin heon iyuśkin po; hecen tohan towitan tanin kinhan nina iduśkinpi kta.

II. Inyan 3:1

Waśtecicidapi kin, de nakaha wowapi inonpa cicagapi; hena en nitawacinpi mdesahan kiksuyapi on iyocipaśtakapi.