Philippi 2:9 - Dakota Wowapi Wakan Kin

⁹ Heon etanhan Wakantanka he tehan wankantuya hduwankan icu, qa caje wan wicacaje owasin isanpa waśte kin he qu;

Philippi 2:9 ပူးပေါင်းရင်းမြစ်များ

Mattheos 11:27

Ate taku owasin maqu; unkan tuwedan Cinhintkuyapi kin sdonye śni, Ateyapi un kin hecedan sdonkiya; nakun tuwedan Ateyapi kin sdonye śni, tuka Cinhintku kin hecedan; qa tuwe Cinhintku kin sdonyekiye cin he nakun.

Mattheos 28:18

Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:

Lukas 10:22

Atewaye cin he taku owasin yuhemakiya; qa Cinhintkuyapi kin he tuwe kin tuwedan sdonye śni, Ateyapi kin heceyedan; qa Ateyapi kin iś tuwe kin, Cinhintkuyapi kin iye qa tona owicakiyake kte cin henana sdonyapi ece.

Johannes 13:3

Hehan Jesus Atkuku taku owasin tawa kiye ciqon he sdonkiya un, Wakan tanka eciyatanhan hi, qa ake Wakantanka ekta hde kta.

Johannes 17:11

Wanna oyate kin dematanhan śni, tuka iye e oyate kin en opeya ni unpi, qa miye wanna nitankiyadan waku kta. Ate wakan, nicaje kin on dena mayaqu qon hduha wo, hecen unwanjidan qon iś iyecen wanjidan kta.

Johannes 17:12

Oyate kin den om waun kin he icunhan nicaje kin on wicawahduha. Mayaqu qon hena e wicawahduha, qa owasin eḣpekiyapi śni, wicaśta wayutakuni śni cinhintku kin hecedan eḣpekiyapi, hecen wowapi en un qon wanna iyecetu.

Johannes 17:5

Unkan nakaha, Ate niye kin on miye mahdutan wo, wicoicage wanice cin he itokam wowitan niyeci hduha waun qon heon.

Olianyanpi kin 5:31

Hee kin Wakantanka wankan ehdaku, iye nape etapa kin ekta Itancan qa Wanikiya un kta, Israel ihduecetupi qa woaḣtani kajujupi kin wicaqu kta e heon.

Ephesos 1:10

Hecen tohan iyehantu kinhan, wokonze kin eciyatanhan taku owasin Messiya en witaya mnaye kta, taku maḣpiya ekta un, qa taku maka akan un kin hena, iye en.

Kolosse 1:18

Qa iye tancan kin okodakiciye kin hee, qa pa kin he iye, qa otokahe kin, wiconṭe etanhan tokaheya tonpi kin hee, hecen iye taku owasin en tokapa un kta.

II. Thessalonike 1:12

Hecen Jesus Messiya Itancan unkiyapi caje kin niyepi on yuonihanpi kta, qa iye on, niś eya niyuonihanpi kta, Wakantanka unkitawapi, qa Jesus Messiya Itancan towaonśida kin eciyatanhan.

Hebrew 1:4

He iye caje wan maḣpiya ohnihde kin isanpa waśte aiḣpeyapi qa yuhe cin, he iyecen sam iyeya waśte.

Hebrew 1:9

Woowotanna waśteyadake cin heon Wakantanka, nita Wakantanka kin, tona nitawaśi kin hena isanpa wowiyuśkin wihdi on sdaniyan ce.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

Hebrew 2:9

Tuka Jesus wiconṭe kakijapi kin on, maḣpiya ohnihde kin kitanna ihukuya kagapi kin he wowitan, woyuonihan ko wateśdag kiton kin he wanunyakapi, hecen iye, Wakantanka towaonśida kin eciyatanhan, wicaśta kin owasin on wiconṭe sdonye kta.

I. Inyan 3:22

Iye qe maḣpiya kin ekta kihde c̣a Wakantanka etapa kin eciyatanhan yanka; maḣpiya ohnihde, qa wicookihi, qa wowaśake kin owasin iye ihukun iyewicayapi.

II. Inyan 1:17

Wakantanka Ateye cin eciyatanhan woyuonihan wowitan ko icu, wowitan waśte kin etanhan wicaho kin de hiyu qehan, Micinkśi waśtewakidake cin he dee, on iyomakipi ḣinca ce.

III. Johannes 1:7

Iye caje kin on iyayapi, qa Ikcewicaśta kin etanhan takudan icupi śni, heon etanhan.

Wayuotanin 1:5

Qa Jesus Messiya etanhan, he waayatanin wicaka, wiconṭe etanhan tokaheya tonpi, qa maka wicaśtayatapi kin Itancan kin hee. Tuwe waśte unkidapi, qa waunḣtanipi kin etanhan iye we kin en unyujajapi,

Wayuotanin 11:15

Hehan maḣpiya ohnihde iciśakowin kin yahoton, qa maḣpiya kin ekta wicaho tanka hotaninpi, qa heyapi, Itancan unkitawapi qa Messiya tawa kin, maka wokiconze kin tawaye c̣a, ohinniyan en wicaśtayatapi un kta ce.

Wayuotanin 19:16

Qa onḣoḣda ceca sani ko akan cajo kin owapi, Wicaśtayatapi kin en Wicaśtayatapi, qa itancanpi kin Itancan kin he dee.

Wayuotanin 3:21

Tuwe ohiye cinhan he oiyotanke mitawa kin akan mici iyotanke wakiye kta, miye ohiwaye c̣a Ate oiyotanke tawa kin akan weci imdotanke cin he iyecen.

Wayuotanin 5:12

Hotankakiya heyapi, Amnos wośnapi qon he wowaśake, qa woyuha, qa woksape, qa wicookihi, qa wootanin, qa wowitan, qa wowaśte henakiya icu kta okihi ce.