Philippi 2:7 - Dakota Wowapi Wakan Kin

⁷ Tuka ihduśdoke c̣a wowidake un kin ouncage kin iou, qa wicaśta kin iyecen ihdus icaga;

Philippi 2:7 ပူးပေါင်းရင်းမြစ်များ

Mattheos 12:18

Iho, mitahokśdan wahdaḣnige ciqon; waśte wakidake cin on minagi iyuśkin ece; mitaniya kin waqu kta, hecen Ikcewicaśta kin woyaco owicakiyake kta.

Mattheos 20:28

He iyececa, Wicaśta Cinhintku wowidake wicayuhe kta on hi śni, tuka idakapi kta, qa wiconi tawa wokajuju kta wicota on wicaqu kta heon hi.

Markos 9:12

Unkan awicayupte c̣a heya; Awicakehan Elias tokaheya hi kta, qa taku owasin yuecetu kta; qa Wicaśta Cinhintku kin token taku ota kakije kta, qa ḣeyata iyeyapi kta e wowapi en kagapi qon, he nakun owicakiyaka.

Lukas 22:27

Wota yanke cin, qa wayutankiyapi kin, hena unma tukte iyotan tanka he. Tuwe wota yanke cin hee śni he. Tuka miś wayutankiyapi kin he iyecen cicipi waun ce.

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Roma 1:3

Iye Cinhintku Jesus Messiya Itancan unyanpi kin heon etanhan; he qe wicaceḣpi eciyatanhan Dawid cinca kin hetanhan icaga;

Roma 15:3

Messiya iye kaeś iyokipi ic̣iye śni, tuka wowapi en kagapi qon iyecen, Tona aniiapi kin waaiapi kin he miye aiḣpemayanpi qon.

Roma 15:8

Miye kin kaken epe; Jesus Messiya bakiḣdayapi wicoḣan kin en ookiye ikicaga, Wakantanka towicake kin heon, qa hunkakepi kin wahowicayapi qon he hduecetu kte cin heon etanhan.

Roma 8:3

Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.

II. Korinth 13:4

He iye wowaśake śni on can susbeca kin en okatanpi eśta, Wakantanka towaśake kin on ni un. Heon unkiś eya waunśakapi śni, tuka niyepi kin ekta Wakantanka towaśaae kin on kici unnipi kta.

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

Galatia 4:4

Tuka wanna anpetu iyehantu qehan, Wakantanka iye Cinhintku kin u śi, winoḣinca wan etanhan icage c̣a woope kin oḣdateya kagapi.

Philippi 2:6

He Wakantanka ouncage kin en un, qa Wakantanka kici akidecen yanka keic̣iye cin he wawicakipi śni kecin.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

Hebrew 13:3

Tona kaśka wicahnakapi kin hena om nicaśkapi kin iyecen wicakiksuya po; qa tona kakiśyapi un kin hena koya, wicatancan kin ohna dukanpi kin heon.

Hebrew 4:15

Wawajuśna itancan kin, unkiye unkakijapi kin en unkicanptapikta okihi śni kin heca unhapi śni, tuka iye taku owasin on iyutanyanpi, unkiye iyeuncecapi, tuka woaḣtani codan un.