Philippi 2:6 - Dakota Wowapi Wakan Kin

⁶ He Wakantanka ouncage kin en un, qa Wakantanka kici akidecen yanka keic̣iye cin he wawicakipi śni kecin.

Philippi 2:6 ပူးပေါင်းရင်းမြစ်များ

Mattheos 1:23

Iho, witanśna un wan ihduśake c̣a cinca ton kta; unkan Emmanuel eya caśtonpi kta; Wakantanka unkicipi un, eyapi kin he kapi.

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 10:30

Miye, qa Atewaye cin unwanjipidan, eya.

Johannes 10:33

Juda oyate ayuptapi qa heyapi; Wicoḣan waśte on unnicininpi kte śni, tuka iapi śica on, qa winicaśta tuka Wakantanka nic̣icage cin heon etanhan.

Johannes 10:38

Tuka hecen ecamon kinhan, miye wicamayadapi śni eśta, wicoḣan kin hena wicada po; hecen Atewaye cin micica, qa miye he weeica, heciyatanhan sdonyayapi qa wicayadapi kta ce, eya.

Johannes 14:28

Wahde c̣a ake en ciupi kta eciciyapi kin he wanna nayaḣonpi. Waśte mayadapi kinhan iduśkinpi kta; Atewaye cin ekta wahde kta epe cin he; Atewaye cin he iye mikapeya tanka.

Johannes 14:9

Hehan Jesus heciya; Philip, wanna wanakajatanhan cicipi waun, tuka nahanḣin sdonmayaye śni he; tuwe wanmayake cin he Ateyapi kin wanyaka; hecen tokeca, Ateyapi kin wanyag unyan miye, eha he.

Johannes 17:5

Unkan nakaha, Ate niye kin on miye mahdutan wo, wicoicage wanice cin he itokam wowitan niyeci hduha waun qon heon.

Johannes 20:28

Unkan Thomas ayupte c̣a heciya; Itancan mitawa, qa Wakantanka mitawa.

Johannes 5:18

Unkan Juda oyate hehan iyotan Jesus ṭeyapi kta sanpa akitapi, anpetu wakan botica, qa nakun Wakantanka atayedan Ateya keic̣iye cin, Wakantanka kici akiyecen ihdawa kin, heon etanhan.

Johannes 5:23

Heon etanhan owasin Ateyapi kin token ohodapi hecinhan he iyecen Cinhintku kin ohodapi kta. Tuwe Cinhintku kin ohoda śni kin he Atkuku u śi kin he nakun ohoda śni.

Roma 9:5

Qa hunkake wicayapi kin etanhanpi kin hena eepi, qa hena etanhan wicaceḣpi eciyatanhan Messiya inapa, he owasin iwankam Wakantanka kin ee, owihanke wanin wowaśte yulia nunwe.

II. Korinth 4:4

Hena ekta wicoicage kin de taku wakan tawa kin tona wicadapi śni wicotawacin kin wacinton śni wicakaga; Messiya Wakantanka ouncage kin hee, tawootanin waśte wowitan iyoyanpa kin he iyoyamwicaye kte śni heon etanhan.

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

I. Timotheos 1:17

Hecen Wicaśtayatapi owihanke wanica, ṭepica śni, qa wanyakepica śni un kin, Taku Wakan ecedan ksape cin hee, woyuonihan, wowitan ko, owihanke wanin kicihan nunwe.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

Titos 2:13

Qa wacinyanpi waśte ape unyakonpi kta, Wakantanka iyotan tanka, qa Jesus Messiya Wanikiya unhapi kin he wowitan hduna taniniciye kte cin hee.

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

Hebrew 1:6

Unkan, tokapa kin he wicoicage kin ekta hiyuye c̣ehan hecen eya, Wakantanka ohnihde wicaye cin owasin he itokam canpeśka makehde enajin kta ce.

Hebrew 1:8

Tuka Cinhintku kin heciya, Wakantanka, oiyotanke nitawa kin he owihanke wanica; nitokiconze mazasagye kin he mazasagye owotanna;

Hebrew 13:8

Jesua Messiya, ḣtanihan qa nakaha okonwanjidan, qa owihanke wanice kta.

Wayuotanin 21:6

Qa ake kaken emakiya, Wanna henakeca. Alpha qa Omega, otokahe qa owihanke kin he miye ce. Tuwe ipuza kinhan he wiconi mini ḣdoka kin etanhan iyunwin codan yatke wakiye kta.