Philippi 2:3 - Dakota Wowapi Wakan Kin

³ Waakinicapi qa ihdatanpi kin on takudan ecanonpi kte śni, tuka waḣbayedan yaunpi, qa otoiyohi niye isanpa tokan waśte yecidakapi kta.

Philippi 2:3 ပူးပေါင်းရင်းမြစ်များ

Lukas 18:14

Wicaśta kin de yuowotanpidan tiyata kihda, qa unma qon hee śni, eciciyapi ce: Qa tuwe ihduwankantuya kinhan, he yuhukun iyeyapi kta: qa tuwe ihduhukuye cinhan, hee yuwankan ayapi kta ce.

Roma 12:10

Hunkawanjin kiciyapi waśte kicidakapi kin he on otoiyohi cante en kiciyuza po, qa woyuonihan on otoiyohi iyotan kicidaka po.

Roma 13:13

Qa iyokipiya maunnipi kta, anpetu kin en iyececa. Hanyetu wacipi qa witkopi kin en unkopapi kte śni; wicawihomnipi qa wicinpi, wakinicapi qa winawizipi kin hena en ounpapi kte śni.

Roma 2:8

Tuka tona wakinin unpi, qa wowicake kin anagoptanpi śni, tuka woaḣtani awacinpi kin hena, wosihda, qa wocanniye,

I. Korinth 15:9

Yewicaśipi kin miye iyotan macistinna, qa Wakantanka taokodakiciye kin śicaya wakuwa qon heon yeśipi emakiyapi kte cin iyemacece śni.

I. Korinth 3:3

Nahaḣin wicaceḣpi wicaśta kin henicapi. Niyepi ekta wipawizipi, qa wakinicapi, qa yuomdecapi yukan hecinhan, wicaceḣpi kin henicapi, qa wicaśta akantu iyecen mayanipi śni he.

II. Korinth 12:20

Ekta ciupi kinhan, niyepi token wacin kin hececa iyeciyapi kte śni, qa miye nakun token yacinpi śni kin hecen iyemayayapi kta kowakipa. Wakinicapi kin, winawizipi, canniyekici yapi, wicokicize, waaiapi, waajijipi, waḣanicidapi qa owodutaton kin henakiya en un kta kowakipa.

Galatia 5:15

Tuka yecidahtakapi qa temyeciyapi kinhan, on wakta po, okinni ihangye ciyapi kta naceca.

Galatia 5:26

Otoiyohi śihdakiciyapi, qa winakiciwizipi, qa ecinśniyan iwinkta ic̣iyapi wanin unyakonpi nunwe.

Ephesos 4:2

Wicotawacin waśte ocowasin qa wicowaḣbadan, wacin tankapi ko yuha, wowaśtedake en otoiyohi iyowinyeciciyapi kta:

Ephesos 5:21

Qa Wakantanka kokipeyahan otoiyohi tokan ihukun iyeic̣iya po.

Philippi 2:14

Wihnupi qa waakinicapi wanin taku owasin econ po.

Kolosse 3:12

Heon etanhan, owotanna yaunpi qa waśtenidakapi kin, Wakantanka wicakaḣnige cin iyecen, wocantekiye koyaka po, qa wowaonśida, waḣanic̣idapi śni, wicowaḣbadan, qa wacintankapi kin hena ko.

Kolosse 3:8

Tuka nakaha hena owasin ayuśtan po; wocanniye, wośihda, wocantiyahdepi, waakagapi, qa iapi śice cin niipi kin etanhan.

I. Timotheos 6:4

He waḣanic̣ida, qa takudan sdonye śni un, tuka wakinicapi wiwangapi wicoie kin en cante kin ocowasin iyeic̣iya; hena etanhan winawizipi, wakinicapi, waośtehdapi, woawacin śica ko icaga.

I. Inyan 3:8

Ehake, owasin cante wanjidan hduwitaya onśikicida po; hunkawanjinkiciyapi kin iyecen waśtekicida po, waonśidapi qa wacantkiya po.

I. Inyan 5:5

Nakun, tona aśkatudan yaunpi kin, hunkawicayapi kin anawicagoptan po: Han, owasin otoiyohi anakicigoptan po, qa wowaḣbadan koyaka po. Tona waḣanic̣idapi kin hena Wakantanka wicakipajin, tuka tona onśikiḣanpi kin hena wowaonśida wicaqu ece.