Philippi 2:2 - Dakota Wowapi Wakan Kin

² Mitowiyuśkin kin miciyuśtan po, akiyecen awacannipi, qa wowaśte okonwanjidan duhapi, qa wicotawacin wanjidan yaunpi kta.

Philippi 2:2 ပူးပေါင်းရင်းမြစ်များ

Johannes 3:29

Tuwe tawicu ton kin he hihna yanpi kin hee, tuka hihna yanpi takodaku kin en taninyan anagoptan najin, qa hihna yanpi ho kin naḣon kin heon iyuśkin ece. Heon etanhan wowiyuśkin mitawa kin wanna yuecetupi ce.

Olianyanpi kin 1:14

Hena owasin tawacin wanjidan wocekiye eyapi qa kida yukanpi, winoḣinc̣a kin hena om, qa Mary Jesus hunku, qa iye hunkawanjinwicaye cin hena koya.

Olianyanpi kin 2:1

Anpetu iwikcemna zaptan kin wanna iyehantu, unkan owasin tawacin wanjidan witaya yukanpi.

Olianyanpi kin 2:46

Qa anpetu otoiyohi, tawacin wanjidan, tipi wakan kin ohna yukanpi, qa tipi iyaza aguyapi kiyuśpapi, wowiyuśkin cante okonwanjidan ko yuha taku yutapi icupi.

Olianyanpi kin 5:12

Unkan yewicaśipi kin napepi kin on oyate kin en wowinihan wicoḣan qa wowapetokeca ota econpi. Unkan owasin wicacante wanjidan yuha Solomon omanipi tawa kin ohna yukanpi.

Roma 12:16

Otoiyohi okonwanjidan awakicicin po. Taku wankan un kin hena ekta ewacinpi śni po; tuka tona kun ihdawa kin hena en opa po. Wacinksapeic̣idapi śni po.

I. Korinth 1:10

Mihunkawanji, Jesus Messiya Itancan unkiyapi cajeyan ceciciyapi ce; owasin okonwanjidan oie yetonpi, qa yuomdecapi wanin yaunpi kta, qa wicotawacin eca wanjidan wiyukcanpi ko wanjidan tanyan onspe yaunpi kte.

II. Korinth 13:11

Ehake, hunkawanjin ciyapi kin, wiyuśkin po; oihduśtan un po, cante wuśte po, okonwanjidan awacin po, wokiyapi kin en un po; qa wowaśte, wookiye ko Wakantanka kin nicipi un nunwe.

II. Korinth 2:3

Hecen on he wowapi cic̣agapi, ekta wau kinhan tona on imduśkin kte cin hena on etanhan iyokiśin waun kte śni. Qa niyepi owasin wacinciyapi, mitowiyuśkin kin he en niyepi owasin oyapapi kta.

II. Korinth 7:7

Qa he hdi kin hecedan śni, tuka nakun niye cantohnagyayapi kin heon; nina wacin en yeyayapi, qa iyoniciśicapi, qa token cante en unyakiduzapi kin hena unkokiyakapi qehan, nina imduśkin.

Philippi 1:4

Ohinniyan mitawocekiye otoiyohi en, niyepi owasin on iyuśkinyan cewakiya ece:

Philippi 2:16

Qa wiconi wicoie kin pazo yaunpi: Hecen Messiya anpetu tawa kin en taku on imawinkta kin he dee, taku śni on waimnanke śni, qa taku śni on ḣtawani śni kin hee.

Philippi 2:20

Tuwe iyecen wacin yuze c̣a iye cinka taku nitawapi kin ihakta kte cin mduhe śni.

Philippi 4:2

Yuodiyas eewakiye c̣a, Suntuce cewakiya, Itancan kin en okonwanjidan awacinpi kta.

Kolosse 2:5

Wicaceḣpi on, ekta waun śni eśta, woksape kin un cicipi waun, imduśkin, nioḣanpi owotanna kin, qa Messiya sutaya wacinyayapi kin he wanyag waun.

II. Thessalonike 2:13

Tuka mihunkawanji, Itancan waśtenidakapi kin, niyepi on unkiye ohinniyan Wakantanka wopida unkekiciyapi kta, otokaheya tanhan Woniya wicayuecedan, qa wowicake wicadapi kin on, Wakantanka yanipi kta e on nicaḣnigapi kin heon etanhan.

II. Timotheos 1:4

Wanciyaka nina wacin, iśtamnihanpe ota aniu qon hena weksuya, hecen wowiyuśkin omajudan kta;

Philemon 1:20

Han, mihunkawanji, Itancan kin en niye on imduśkin kta; Itancan kin en micante kin iyuśkinmayan wo.

II. Johannes 1:4

Ateyapi kin woahope unqupi qon iyecen, nicinca wowicake eciyatanhan manipi iyewicawakiye c̣ehan nina imduśkin.

III. Johannes 1:4

Micinca wowicake kin eciyatanhan manipi nawaḣon kin heon wowiyuśkin iyotan tanka mduha, takudan kape śni.