Philippi 2:16 - Dakota Wowapi Wakan Kin

¹⁶ Qa wiconi wicoie kin pazo yaunpi: Hecen Messiya anpetu tawa kin en taku on imawinkta kin he dee, taku śni on waimnanke śni, qa taku śni on ḣtawani śni kin hee.

Philippi 2:16 ပူးပေါင်းရင်းမြစ်များ

Mattheos 10:27

Taku otpaza en ociciyakapi kin he anpa en daotaninpi kta; qa taku noge on nayaḣonpi kin he tipi akaḣpe kin etanhan eyanpaha odakapi kta.

Lukas 12:8

Qa nakun heciciyapi ce; Tuwe kaśta wicaśta kin wicitokam miye mayaotanin kinhan, Wicaśta Cinhintku kin Wakantanka taohnihde kin hena itokam he yaotanin kta.

Johannes 6:63

Woniya kin he wiconi kaga ece, wicaceḣpi kin takudan okihi śni. Wicoie eciciyapi kin hena woniya qa wiconi kin hee.

Johannes 6:68

Unkan Simon Inyan ayupte; Itancan, tuwe ekta unyanpi kta he; owihanke wanin wiconi wicoie duhe cin;

Olianyanpi kin 13:26

Wicaśta hunkawanjin ciyapi kin, Abraham cinca wicaye cin, qa tona Wakantanka kokipapi kin, nis niyepi wiconi oie kin de oniciyakapi.

I. Korinth 1:8

He owihanketa hehanyan iyanionpepica śni niyusutapi kta, Jesus Messiya Itancan unkiyapi taanpetu kin etu.

I. Korinth 9:26

Heon etanhan miś hecen waimnanka, toketu tanin śni kin he iyecece śni; hecen nape on econ waun, tuwe okaduza ape cin iyecece śni;

II. Korinth 1:14

Onśpa sdonunyayapi, unkiyuśkinpi kin he niyepi, he iyecen wowitan nitawapi kin he unkiyepi, Jesus Itancan taanpetu kin en.

Galatia 2:2

Woyakapi on ekta mde c̣a, Ikcewicaśta ekta wotanin waśte omdake ciqon he hena owicawakiyaka, qa tona okinihanpi kin hena iśnaśnana owicawakiyaka; ituya waimnanke śni, qa taku śni on waimnanke kte śni heon.

Galatia 4:11

Kocicipapi, taku śni on niyepi kin ḣtacicinipi epca, heon etanhan.

Philippi 1:10

Kinhan, taku waśte kin hena idukcanpi kta, hecen okonwanjidan ḣicahe śni yaunpi kta, Messiya anpetu tawa kin en;

Philippi 1:6

Unkan he sdonwaya; tuwe tokaheya oḣan waśte nicicagapi kin he niciyuśtanpi kta, Jesus Messiya anpetu tawa kin hehanyan.

I. Thessalonike 2:19

Woape, qa wowiyuśkin, qa wowinkta wateśdake unkitawapi kin he taku he; he niś niyepi śni he; Jesus Messiya Itancan unkiyapi hi kinhan he itokam.

I. Thessalonike 3:5

Heon etanhan ṭinsmic̣iye kta owakitpani, hehan token wacinyayapi kin sdonwaye kta e on he ekta ye waśi, okinni taku wawiyutanyan un kin iniyutanpi naceca, qa hecen ḣtaunnipi kin taku śni ye kta.

Hebrew 4:12

Wakantanka oie kin he ni un, wawokihi, qa mazasagye anog ope kin he isanpa pe ḣinca, wicanagi, wicaniya kici iyotahedan capa iyaye c̣a, okihepi cupe ko kicakse c̣a, wicotawacin wicacante wacin yuze cin hena koya iyukcan ece.

I. Inyan 1:23

Piya icaḣniyanpi, oicage kuke kte cin etanhan śni, tuka kukepica śni kin on, Wakantanka oie kin ni un qa owihanke wanice kte cin hee on.

I. Johannes 1:1

Taku otokaheya tanhan un, taku naunḣonpi, qa iśta on wanunyakapi, opaunḣtapi qa nape on unzapi, Wiconi Oie kin hee.

Wayuotanin 22:17

Unkan Woniya kin tawicuyapi kin kici, Kuwa, eyapi. Qa tuwe naḣon kinhan he, Kuwa, eye kta. Qa tuwe ipuza kinhan, he u kta. Qa tuwe cin kinhan he iyunwin codan wiconi mini kin etanhan icu nunwe.