Philippi 2:12 - Dakota Wowapi Wakan Kin

¹² Heon waśte cicidapi kin, ohinniyan nayaḣonpi kin he iyecen, en cicipi waun kin hecedan śni, tuka nakaha en waun śni eśta, sanpa wokokipeya cancanic̣iya yanipi kte cin hduśtan po.

Philippi 2:12 ပူးပေါင်းရင်းမြစ်များ

Mattheos 11:12

Nakun Johannes baptem wicaqu taanpetu kin hetanhan dehanyan maḣpiya wokiconze kin nina akitapi, qa nina akite cin hena iyaḣpayapi ece.

Mattheos 11:29

Can nap̣inpi mitawa kin he icu po, qa miye eciyatanhan onspeic̣iciya po, cante ekta onśimic̣ida qa waḣbayedan waun; hecen ninagipi en woozikiye duhapi kta.

Olianyanpi kin 16:29

Hehan petijanjan wan da, qa tin iyaye c̣a, cancan Palos Silas kici siha hdepi kin en eḣpeic̣iya;

Olianyanpi kin 9:6

He cancan qa yuśinyaye ca; Itancan taku ecamon yacin he, eya. Unkan Itancan kin; Najin qa otonwe kin ekta ya wo, token ecanon kte cin oniciyakapi kta ce, eciya.

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

I. Korinth 15:58

Hecen mihunkawanji waśte cicidapi kin, sutaya yahanpi, qa pahoho śni yaunpi nunwe; qa ohinniyan Itancan oḣan kin en aic̣iciya po, Itancan kin on ḣtayanipi kin he taku śni wanice kta sdonyayapi kin heon etanhan.

I. Korinth 2:3

Unkan waśake śni, wokokipeya nina macancan cicipi waun.

I. Korinth 4:14

Iśtenciyapi kta heon hena hecen wowapi wakage śni, tuka micinca waśte wicawakidake cin iyecen wahokonciciyapi.

II. Korinth 7:15

Unkan niye owasin token anayagoptanpi, qa wokokipeya, cancanyan iyowmyakiyapi qon he kiksuya eca, iye iyotan cante en niyuzapi.

Ephesos 6:5

Qa wowidake yaunpi kin, tona wicaceḣpi ekta niyuhapi kin wokokipeya cancanic̣iya anawicakigoptan po, Messiya kin iyececa, nicantepi okonwanjidan on:

Philippi 1:27

Tuka Messiya tawootanin waśte kin eciyatanhan yanipi nunwe; hecen wanciyakapi wau kinhan, qa iś wau śni, unina tukte kaśta, nioḣanpi kin nawaḣon kta, wicotawacin wanjidan en sutaya yaunpi, qa wicanagi wanjidan yuha wotanin waśte kin wacinyan oyecipapi kin.

Philippi 1:29

Messiya he ayuco nic̣upi, iye wacinyayapi kte c̣a, nakun iye on kakiśniyanpi kte cin.

Philippi 1:5

Anpetu tokaheya kin ehantanhan, han, qa dehanyan, wotanin waśte kin en kodayeciyapi kin heon.

Philippi 1:6

Unkan he sdonwaya; tuwe tokaheya oḣan waśte nicicagapi kin he niciyuśtanpi kta, Jesus Messiya anpetu tawa kin hehanyan.

Philippi 2:19

Tuka niyepi kin ekta Timotheos kohanna yewaśi kta wacanmi, Jesus Messiya Itancan kin on, hecen tohan token yaunpi kin sdonwaye cinhan, hehan miś nakun iyokipi waun kta.

Philippi 4:1

Heon etanhan mihunkawanji waśte cicidapi, qa cantocikpanipi kin, wowiyuskin mitawa qa wateśdake mitawa kin, Itancan kin en sutaya najin po, waśte cicidapi.

Philippi 4:15

Philippi wicaśta, he de sdonya po, wotanin waste otokahe ekta, Makedonia etanhan imadamde c̣ehan, waqupi qa icupi kin icaḣtagya okodakiciye kin niye niśnana omayakiyapi.

I. Thessalonike 1:3

Qa wowacinye wicoḣan nitawapi kin, qa wacantkiyapi en ḣtayanipi kin, qa Wakantanka Ateunyanpi kin itokam, Jesus Messiya Itancan unkiyapi kin en ape dukanpi kin hena ohinniyan unkiksuyapi.

II. Timotheos 2:10

He etanhan tona wicakaḣnigapi qon hena on taku owasin iyowinwaya, hena e wiconi Jesus Messiya en un kin he yuhapi kta, qa nakun owihanke wanin wowitan kin.

Hebrew 12:1

Heon etanhan waayataninpi maḣpiya śoka wan hinsko tanka aohdute unyanpi kin, hecen taku tkeya qinpi kin owasin eunhnakapi kta, woaktani ohiunyanpi ece kin he koya, qa oinyanke unkitokam wanke cin he wacin tankaya unkinyankapi kta.

Hebrew 4:1

Hecen okiḣpapi kin de en unkopapi kta e iwahounyanpi kin, heon niyepi kin wanjikśi iyoyahipi kte śni se ececa e ikounpapi kta.

Hebrew 4:11

Heon etanhan wookiḣpe kin he en unkopapi kta e amniheunkiciyapi kta, okinni wicadapi śni qon he iyecen tuwe iḣpaye kta naceca.

Hebrew 5:9

Qa iye yuśtanpi kin heon tona anagoptanpi kin owasin owihanke wanin wiconi kin wicakicaga.

I. Inyan 2:11

Waśtecicidapi, ceciciyapice, oyate tokeca qa unhdaka unpi kin iyecen wicaceḣpi cantiheyapi kin, wicanagi kin kici kicize cin, hena ayuśtan po:

II. Inyan 3:18

Tuka wowaśte kin en, qa nakun Itancan unyanpi Wanikiya Jesus Messiya sdonyapi kin en icaga po. Iye kin wowitan nakaha qa owihanke wanica kiciun nunwe. Amen.