Philippi 2:11 - Dakota Wowapi Wakan Kin

¹¹ Qa Wakantanka Ateyapi kin yatanpi kte cin on, Jesus Messiya he Itancan kin ee ce; wicaceji owasin eya oyakapi kta.

Philippi 2:11 ပူးပေါင်းရင်းမြစ်များ

Mattheos 10:32

Heon etanhan tuwe kaśta wicaśta wicitokam miye omayake cinhan, he Ate maḣpiya en un kin itokam omdake kta.

Lukas 2:11

Anpe dehan Dawid totonwe kin en Wanikiya wan nicitonpi, Messiya Itancan kin he hee.

Johannes 12:42

Hececa tuka itancanpi etanhan wicota wicadapi; tuka Pharisee kin hena on etanhan yaotaninpi śni, omniciye tipi kin etanhan tankan iyewicayapi kta ikopapi heon.

Johannes 13:13

Waonspekiya qa Itancan, emayakiyapi ece; he tanyan ehapi; he miye nakaeś.

Johannes 13:14

Heon etanhan miś miye Waonspekiya qa Itancan mayaduhapi kin, siha ciciyujajapi kinhan, niś eya otoiyohi siha yeciyujajapi kta iyececa.

Johannes 14:13

Qa micaje kin on taku yadapi kinhan, ecen ecamon kta; Ateyapi kin Cinhintku kin on yutanpi kta e heon.

Johannes 14:23

Jesus waayupte c̣a heciya; Tuwe waśtemadake cinhan mioie kin yuhe kta; qa Atewaye cin waśtedake kta, qa tukten un kinhan en unhipi kta, qa ti kin en kici unyakonpi kta.

Johannes 17:1

Jesus hena hecen eye c̣a hehan iśta yuwankan icu, qa maḣpiya kin ekta etonwan qa, Ate wanna anpetu kin hiyohi, Nicinkśi kin hdutan wo, hecen on Nicinkśi kin nihdutan kta ce.

Johannes 20:28

Unkan Thomas ayupte c̣a heciya; Itancan mitawa, qa Wakantanka mitawa.

Johannes 5:23

Heon etanhan owasin Ateyapi kin token ohodapi hecinhan he iyecen Cinhintku kin ohodapi kta. Tuwe Cinhintku kin ohoda śni kin he Atkuku u śi kin he nakun ohoda śni.

Johannes 9:22

Juda oyate kowicakipapi, qa heon etanhan atkuku hunku kici hecen eyapi. Tuwe, Messiya kin hee, taninyan eye cinhan, he omniciye tipi kin etanhan tankan iyeyapi kta, Juda oyate kin wanna wakiconzapi.

Olianyanpi kin 10:36

Jesus Messiya kin, owasin en Itancan kin hee, he eciyatanhan wicoie Israel cinca kin wookiye iwahowicayapi qon.

Olianyanpi kin 2:36

Heon etanhan, Israel tiyohnaka owasin, de tanyan sdonya wo, Jesus icipaweḣ oyakatanpi qon, hee Wakantanka Itancan qa Messiya kaga ce.

Roma 14:11

Hecen wowapi en kagapi; Miye wani kin, heon hupahu otoiyohi miye en canpeśka makehde inajin kta, qa wicaceji otoiyohi Wakantanka en wohdake kta, Itancan kin eya.

Roma 14:9

Hecen on Messiya ṭe c̣a ake kini, wicaṭe c̣a wicani kin heniyoza en Itancan kta e heon.

Roma 15:9

Qa hecen Ikcewicaśta kin Wakantanka yatanpi kta, iye towaonśida kin on; wowapi en kagapi qon iyececa, Heon etanhan Ikcewicaśta ehna ociyake c̣a nicaje kin iwadowan kta.

I. Korinth 12:3

Heon he sdonye ciciyapi; Tuwedan Wakantanka Taniya kin eciyatanhan ie c̣a, Jesus yaśice kte śni; qa nakun tuwedan Jesus e Itancan eciye kta okihi śni, tuka Woniya Wakan ecedan eciyatanhan okihi ece.

I. Korinth 15:47

Wicaśta tokaheya kin he maka etanhan un, qa maka kin heca; Wicaśta iyokihe kin he Itancan maḣpiya eciyatanhan un kin hee.

I. Korinth 8:6

Tuka unkiye, Taku Wakan wanjidan Ateyapi kin hee unhapi, he etanhan taku owasin u, qa he en unkiye unyakonpi; qa Jesus Messiya Itancan kin wanjidan, he on taku owasin un qa he eciyatanhan unkiyepi.

I. Inyan 1:21

Wakantanka wicaṭe cin etanhan najinkiye c̣a wowitan qu qon he wicayadapi, iye eciyatanhan; hecen wicayadapi qa wacinyayapi kin he Wakantanka en un kta.

I. Johannes 4:15

Tuwe Jesus he Wakantanka Cinhintku kin hee e oyake cin he kici Wakantanka un, qa iś eya Wakantanka en un ece.

I. Johannes 4:2

Deciyatanhan Wakantanka Taniya kin sdonyayapi kta; woniya kin tona Jesus Messiya wicaceḣpi un hi oyake cin hena Wakantanka eciyatanhampi ece.

II. Johannes 1:7

Wanna wicahnaye sa ota wicoicage kin ehna iyayapi, hena Jesus Messiya wicaceḣpi un hi qon oyakapi śni. He wicahnaye sa qa Messiya kipajin kin heca.

Wayuotanin 3:5

Tuwe ohiye cinhan he wokoyake ska koyake kta, qa iye caje kin wiconi wowapi kin etanhan wapejuju kte śni, tuka he caje kin Ate itokam, qa ohnihde wicaye cin hena wicitokam omdake kta.