Philippi 2:10 - Dakota Wowapi Wakan Kin

¹⁰ Hecen Jesus caje kin on, hupahu kin owasin canpeśka makehde enajin kta, maḣpiya ekta un, qa maka akan un, qa maka kin ihukuya un kin henakiya.

Philippi 2:10 ပူးပေါင်းရင်းမြစ်များ

Mattheos 12:40

Anpetu yamni qa hanyetu yamni hehanyan Jonas hogan tanka tezi kin ohna un qon, he iyecen anpetu yamni qa hanyetu yamni Wicaśta Cinhintku kin maka cante kin en un kta.

Mattheos 27:29

Qa wapepeka kazontapi on wateśdake kagapi qa teśdagkicatonpi, qa cedi wan nape etapa kin on yuskiyapi; qa itokam canpeśka makehde inajinpi, qa iḣaḣapi, qa heyapi; Iho, Juda Wicaśtayatapi kin.

Mattheos 28:18

Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:

Roma 11:4

Tuka Taku Wakan kin token eya ayupta he; Nahaḣin Baal en canpeśka makehde inajinpi śni kin wicaśta kektopawinge śakowin wicawahduha ce.

Ephesos 1:10

Hecen tohan iyehantu kinhan, wokonze kin eciyatanhan taku owasin Messiya en witaya mnaye kta, taku maḣpiya ekta un, qa taku maka akan un kin hena, iye en.

Ephesos 3:14

Qa heon Jesus Messiya Itancan unkiyapi he Atkuku kin en, anpetu iyohi canpeśka makehde inawajin.

Ephesos 4:9

Wankan kihde cin he taku he; tokaheya maka mahentuya kin iyaye cin hee.

Hebrew 1:6

Unkan, tokapa kin he wicoicage kin ekta hiyuye c̣ehan hecen eya, Wakantanka ohnihde wicaye cin owasin he itokam canpeśka makehde enajin kta ce.

Wayuotanin 20:13

Unkan miniwanca kin wicaṭe cin tona en un kin hena hiyuwicaya, qa wiconṭe Hades ko wicaṭe cin tona en unpi kin hena hiyuwicayapi. Qa iye wicoḣan kin eciyatanhan otoiyohi wicayacopi.

Wayuotanin 4:10

Hehan hunkawicayapi wikcemna nonpa sam topa kin hena, tuwe oiyotanke kin akan kiyotanke cin he itokam makata eḣpeic̣iyapi, qa tuwe ohinniyan ni un kin ohodapi, qa wateśdake tawapi kin oiyotanke kin itokam eḣpekiyapi, qa hecen eyapi;

Wayuotanin 5:3

Unkan maḣpiya kin ekta, qa maka kin akan, qa maka kin ihukuya tanhan tuwedan wowapi kin he yumdaye c̣a, en wanyaka okihi śni.