Philippi 2:1 - Dakota Wowapi Wakan Kin

¹ Heon Messiya on iwicakiyapi yuke cinhan, qa wowaśtedake en imagagaic̣iyapi, qa Woniya kin en kodakiciyapi yuke cinhan, qa wacantkiyapi wowaonśida ko yuke cinhan,

Philippi 2:1 ပူးပေါင်းရင်းမြစ်များ

Lukas 2:25

Unkan iho, Jerusalem en wicaśta wan Simon eciyapi; he wicaśta owotanna qa cekiya ece kin heca, qa Israel Wokicanpte kin ape un; unkan Woniya Wakan kin kici un.

Johannes 14:18

Wamdenica eḣpeciyapi kte śni; ake cihdiyohipi kta.

Johannes 14:27

Wokiyapi aiḣpeciyapi; wookiye mitawa cic̣upi: wicaśta akantu kicic̣upi he iyecen cicupi śni. Ihnuhan cante niśicapi qa kopehda yaunpi kinhan.

Johannes 17:13

Wanna nitankiyadan waku kta, oyate kin den opeya waun kin en ehake hecen epa, hecen on mitowiyuśkin kin iyepi en wicakiyuśtanpi kta.

Olianyanpi kin 2:46

Qa anpetu otoiyohi, tawacin wanjidan, tipi wakan kin ohna yukanpi, qa tipi iyaza aguyapi kiyuśpapi, wowiyuśkin cante okonwanjidan ko yuha taku yutapi icupi.

Olianyanpi kin 4:32

unkan wicota wicadapi kin hena wicacante wanjidan wicanagi wanjidan ko yuhapi; qa taku tonpi kin tuwedan, De mitawa ce, eye śni; tuka taku owasin witaya yuhapi.

Roma 5:5

Qa woape kin he iśten wicaye śni, Woniya Wakan unqupi kin he eciyatanhan, Wakantanka towaśte uncantepi kin en unkokicicaśtanpi kin he etanhan.

Roma 8:26

Qa nakun Woniya kin iś waunsakapi śni kin en icunhan ounkiyapi ece. Token woeekiye unkeyapi kte cin sdonunkiyapi śni, tuka Woniya kin e qe unkiyepi on wocekiye eya, howayapi oyagpica śni kin on.

I. Korinth 12:13

Woniya wanjidan on, unkiye owasin wicatancan wanjidan kta e baptem unqupi, Juda qa Helenes oyate, wowidake un kin, tona tawa ic̣iyapi kin hena koya; qa owasin Woniya wanjidan kin he en wayatke unkiyapi.

I. Korinth 15:31

Jesus Messiya Itancan unkiyapi kin en widuśkinpi kin en owape cin he cajemdate c̣a, Anpetu iyohi maṭa ce, epa.

I. Korinth 3:16

Wakantanka tipi tawa kin he niyepi, qa Wakantanka Taniya kin onitipi kin he sdonyakiyapi śni he.

II. Korinth 2:14

Wakantanka, ohinniyan Messiya on ohiye unyanpi, qa ohinniyan unkiyepi kin on tawosdonye woomna yaotanin kin, hee wopida yuha nunwe.

Galatia 4:6

Unkan cinkśiniyanpi kin heon Wakantanka iye Cinhintku Taniya kin nicantepi kin en niu śipi, he, Abba, Ate, eya howaya ece.

Galatia 5:22

Tuka Woniya kin waskuyeca tawa kin he, wowaśtedake, wowiyuśkin, wookiye, wacintankapi, wicowaḣbayedan, wowaśte, wowacinye;

Ephesos 4:4

Wicatancan wanjidan qa Woniya nakun wanjidan; nicopi kin en wowacinye wanjidan inicopi kin he iyececa;

Philippi 1:8

Wakantanka sdonmayan, Jesus Messiya cante kin on owasin cantocikpanipi.

Philippi 3:3

Tona bakiḣdayapi, qa wicocante on Wakantanka ohodapi, qa Jesus Messiya en iwinktapi, qa wicaceḣpi wacinyanpi śni kin heuncapi.

Kolosse 2:2

Hecen iye cantepi kin kicanptapi kta, qa wac̣antkiyapi kin on kicicazontapi, qa wosdonye tanyan okaḣnigapi kta wowijice kin owasin on, qa Wakantanka towiyukcan sdonyapi kte cin on, Ateyapi qa Messiya tawa kin hee.

Kolosse 3:12

Heon etanhan, owotanna yaunpi qa waśtenidakapi kin, Wakantanka wicakaḣnige cin iyecen, wocantekiye koyaka po, qa wowaonśida, waḣanic̣idapi śni, wicowaḣbadan, qa wacintankapi kin hena ko.

Hebrew 6:18

Heon taku nom yutokecapica śni, en Wakantanka itonśni okihipica śni kin hena taku kin on etanhan, tona woape unkitokam ehdepi kin en onaunpapi kin wicakicanpte wan waśaka unhapi kta.

I. Inyan 1:2

Wakantanka Ateyapi kin otokaheya tanhan sdonwicaye cin eciyatanhan, qa Woniya wicayuecedan kta on wicakaḣniga, anagoptanpi kta, qa Jesus we kin awicamnimni kta e on, hena wowapi wicakicaga: Wowaonśida en niunpi, qa wookiye niciyuotapi nunwe.

I. Johannes 3:24

Tuwe tawoahope kin opecinhan, he Wakantanka kici un, qa iś iye kin en un; unkan Woniya unqupi kin he eciyatanhan iye unkicipi un kin he sdonunyanpi ece.

I. Johannes 4:12

Tuwedan tohinni Wakantanka wanyake śni. Otoiyohi canteunkiciciyapi kinhan Wakantanka unkicipi un, qa iye canteunkiyapi kin unkiyepi en tanyan yuśtanpi ece.

I. Johannes 4:16

Wakantanka canteunkiyapi kin he sdonunyanpi qa wicaundapi. Wakantanka wacantkiyapi kin hee: qa tuwe wacantkiyapi en un kin he Wakantanka kici un, qa Wakantanka iś nakun iye en un ece.