Philippi 1:7 - Dakota Wowapi Wakan Kin

⁷ Hecen niyepi owasin wacin en ciyuzapi kte cin he hecetu, cante en mayaduzapi kin heon; makaśkapi kin, ga wotanin waśte omdake c̣a mdasuta kin he en, qa nakun wowaśte mitawa kin en niyepi owasin oyapapi ece.

Philippi 1:7 ပူးပေါင်းရင်းမြစ်များ

Olianyanpi kin 20:23

Tuka otonwe otoiyohi en Woniya Wakan mayaotanin qa, On kaśkapi qa wokakije miciun, key a ce.

Olianyanpi kin 21:33

Hehan akicita tancan kin en ye c̣a, icu, qa maza icicaḣiḣa nom on kaśke wicaśi; qa he tuwe kin, qa token econ kin he, eya iwicawanga.

I. Korinth 13:7

Taku owasin kajuju; taku owasin wicada; taku owasin ape; qa taku owasin iyowinyan.

I. Korinth 9:23

Wotanin waśte kin he on hecamon ece; hecen he en miś eya owape kta.

II. Korinth 3:2

Wowapi unkitawapi unkicantepi kin ekta owapi kin he niyepi, wicaśta owasin sdonyapi qa yawapi;

II. Korinth 7:3

He wayaco hepe śni; cante en unniyuzapi, ptaya unṭapi qa iś unnipi kta ce, epe ciqon.

Galatia 5:6

Jesus Messiya en bakiḣdayapi kin he takudan okihi śni, qa nakun bakiḣdayapi śni kin; tuka wacinyanpi wowaśte en oḣanye cin he taku okihi ece.

Ephesos 3:1

Heon Ikcewicaśta kin niyepi on etanhan, Palos, Jesus Messiya on kaśka hnakapi kin he miye.

Ephesos 4:1

Heon etanhan miś miye Itancan caje on makaśkapi, ceciciyapi ce, Wicakicopi on nieopi kin he iyacinyan mayanipi kte.

Ephesos 6:20

Heon wahośiya un wan kaśka hnakapi kin hemaca, hecen on token iwae kte cin he iyecen waditagya iwae kta.

Philippi 1:12

Mihunkawanji, taku token ecamiconpi kin he on wotanin waśte kin sanpa otanin aye cin he sdonyayapi kta wacin.

Philippi 1:13

Hecen wicaśtayatapi tahocoka kin ekta, qa owancaya Messiya on makaśkapi kin he otanin.

Philippi 1:14

Qa Itancan kin en, hunkawanjin kiciyapi kin ota, miye makaśkapi kin on, sanpa nina waditakapi, qa kokipeśniyan wicoie kin taninyan oyakapi ece.

Philippi 1:5

Anpetu tokaheya kin ehantanhan, han, qa dehanyan, wotanin waśte kin en kodayeciyapi kin heon.

Philippi 2:22

Tuka he iyutapi kin sdonyayapi, hokśidan wan atkuku kici un kin he iyecen wotanin waśte kin en micica.

Philippi 4:14

Tuka inakakije cin en omayakiyapi kin he tanyan ecanonpi.

Philippi 4:15

Philippi wicaśta, he de sdonya po, wotanin waste otokahe ekta, Makedonia etanhan imadamde c̣ehan, waqupi qa icupi kin icaḣtagya okodakiciye kin niye niśnana omayakiyapi.

Philippi 4:3

Qa mitawaśi wicake cin ceciciya ce, winoḣinca tona wotanin waśte kin en mici oḣanye cin hena owicakiya wo, qa Klement, qa mitawaśi unmapi, cajepi kin wiconi wowapi kin en un kin hena koya.

Kolosse 4:18

Palos he miye, nape kiciyuzapi kin de minape kin on wakaga. Makaśkapi kin kiksuya po. Wowaonśida niyepi en nicipi un nunwe. Amen.

Kolosse 4:3

Qa unkiye on wocekiye unkeyeciyapi kta, Wakantanka iapi tiyopa wan unkiciyuḣdokapi kta, Messiya tawowiyukcan kin unkoyakapi kta, on makaśkapi kin hee:

I. Thessalonike 5:5

Niyepi owasin, iyoyanpa cinca kin henicapi qa anpetu cincapi kin. Unkiyepi hanyetu otpaza kici unketanhanpi śni.

II. Timotheos 1:8

Hecen Itancan unkiyapi tawootanin kin on iśtece śni wo, qa nakun miye makaśkapi tawa waun kin; tuka Wakantanka towaśake kin eciyatanhan wotanin waśte en wokakije kin en okicipa wo:

II. Timotheos 2:9

Qa iye on wicaśta wabotice cin iyecen kakiśniayanpi, makaśkapi kin he en; tuka Wakantanka oie kin he kaśkapi śni.

Philemon 1:13

He yuha waun kta wacin, wotanin waśte kin on etanhan makaśkapi icunhan niye eekiya omakiye kte cin heon.

Hebrew 3:1

Heon, mihunkawanji wakan, maḣpiya tanhan wicakico kin en oyapapi kin, wounhdakapi kin on Jesus Messiya yeśipi qa Wawayuśna Itancan kin he awacin po.

I. Inyan 4:13

Tuka Messiya kakije ciqon en oyapapi kin heon iyuśkin po; hecen tohan towitan tanin kinhan nina iduśkinpi kta.

I. Inyan 5:1

Miye hunkayapi kin hemaca, qa Messiya kakije ciqon wanmdake c̣a, wowitan yutaninpi kte cin he en owapa, tona hunkayapi yaunpi kin ceciciyapi ce;

II. Inyan 1:13

Tohanyan wakeya kin de ohna waun kin hehanyan kiksuyeciciyapi kin on iyocipaśtakapi kte cin he hecetu wadake:

I. Johannes 3:14

Hunkawanjinkiciyapi waśtewicunkidapi kin heon wiconṭe etanhan wiconi e ekta unkiyohipi sdonunkiyapi; tuwe hunkawanjitku waśtekida śni kin he wiconṭe ehna un.