Philippi 1:4 - Dakota Wowapi Wakan Kin

⁴ Ohinniyan mitawocekiye otoiyohi en, niyepi owasin on iyuśkinyan cewakiya ece:

Philippi 1:4 ပူးပေါင်းရင်းမြစ်များ

Markos 5:5

Ohinniyan, hanyetu anpetu koya, wicahnakapi kin ehna, qa ḣe kin ekta śicahowaya un, qa inyan on kiihdaksa ece.

Lukas 15:10

He iyececa waḣtanipi sa wanjidan iyopeic̣iya ec̣a, on Wakantanka taoḣnihde kin wicitokam wiyuśkinpi ece, eciciyapi ce.

Lukas 15:7

Heciciyapi ce; he iyececa, waḣtanipi sa wanjidan iyopeic̣iya eca, maḣpiya ekta wiyuśkinpi ece e kta, wicaśta owotanna qa woaḣtani on iyopeic̣iyapi kta iyececapi śni wikcemna napcinwanka sanpa napcinwanka on iyecen wiyuśkinpi kte śni.

Roma 1:9

Wakantanka minagi kin eciyatanhan ohowada, iye Cinhintku tawootanin waśte kin en, he sdonmayan, ayaśtan śni wocekiye epa eca, ohinniyan cajeciyatapi ece;

Philippi 2:2

Mitowiyuśkin kin miciyuśtan po, akiyecen awacannipi, qa wowaśte okonwanjidan duhapi, qa wicotawacin wanjidan yaunpi kta.

Philippi 3:18

Wanna ota ociciyakapi, qa nakaha ake ceya omdake, wicaśta ota Messiya can susbeca tawa kin tokaye cin iyecen manipi ece.

Philippi 4:1

Heon etanhan mihunkawanji waśte cicidapi, qa cantocikpanipi kin, wowiyuskin mitawa qa wateśdake mitawa kin, Itancan kin en sutaya najin po, waśte cicidapi.

Kolosse 2:5

Wicaceḣpi on, ekta waun śni eśta, woksape kin un cicipi waun, imduśkin, nioḣanpi owotanna kin, qa Messiya sutaya wacinyayapi kin he wanyag waun.

I. Thessalonike 1:2

Niyepi owasin on Wakantanka ohinniyan wopida unkekiciyapi, qa wocekiye unkeyapi kin en caje unniyatapi ece.

Philemon 1:7

Mihunkawanji, wacanyakiye cin heon nina unkiyuśkinpi, qa unkicanptapi, tona owotanna un kin hena cantepi kin iyuśkinwicayaye cin heon etanhan.

II. Johannes 1:4

Ateyapi kin woahope unqupi qon iyecen, nicinca wowicake eciyatanhan manipi iyewicawakiye c̣ehan nina imduśkin.