Philemon 1:6 - Dakota Wowapi Wakan Kin

⁶ Hecen wacinyaye cin owicayaqu kin he sanpa waśaka aye kta, on taku waśte owasin, Jesus Messiya eciyatanhan, unkiyepi en un kin he yutaninpi kta.

Philemon 1:6 ပူးပေါင်းရင်းမြစ်များ

Mattheos 25:16

Unkan tuwe tkeutapi tanka zaptan icu qon he iyaye, c̣a on wopeton ece econ, qa nakun tkeutapi tanka zaptan kamna.

Mattheos 5:16

He iyecen wicaśta itokam iyoyanpa nitawa iyojanjan kta, hecen wicoḣan waśte nitawa wanyakapi kta, qa maḣpiya ekta ateyayapi yanke cin he yuonihanpi kta.

I. Korinth 14:25

Qa hecen iye cante kin ekta taku anaḣbe cin yutaninpi kta; hehan makipusdiya eḣpeic̣iye c̣a Wakantanka ohoda kta, qa Wakantanka niyepi en nicipi un kin oyake kta.

I. Korinth 16:9

Tiyopa tanka wawokihi kin makiyuḣdokapi, qa tona wakinicapi kin hena ota.

Philippi 4:8

Unkan ehake mihunkawanji, taku wicakapi kin, taku yuonihanpi kin, taku owotanna kin, taku wakan kin, taku waśte dapica kin, taku waśte eyapi kin, wowaśte qa wowitan yuke cinhan, hena awacin po.

Kolosse 1:9

Heon anpetu kin he naunḣonpi; kin ehantanhan niyepi on cekiya unkayaśtanpi śni, qa woksape owasin, wookaḣnige ko en, iye tawacin sdonyapi kin on, onijupidan kte cin he unkidapi ece.

Kolosse 3:10

Qa wicaśta teca kin he wosdonye kin on yutecapi, waicaḣya ouncage kin eciyatanhan, he kodakapi.

Titos 3:14

Qa tona unkicicapi kin hena wicoḣan waśte aic̣iciya econpi kta, wicakijapi kin owicakiyapi kta, qa hecen waskuyeca icaḣye śni yukanpi kte śni.

Hebrew 6:10

Wakantanka owotanna, qa heon wicoḣtani, qa wowaśte wokicanye nitawapi, iye caje kin on ecanonpi, tona owotanna un owicayakiyapi, qa nahaḣin owicakiya dukanpi kin he akitonje kte śni.

Jakob 2:14

Mihunkawanji, tuwe wacinyan keya eśta, iyecen wicoḣan yuhe śni kinhan, he taku iyokihi kta he. Wacinyan un kin he niyan okihi he.

Jakob 2:17

He iyecen wacinyanpi kin, wicoḣan codan kinhan, he wanna ṭa, iśnana un kin heon.

I. Inyan 2:12

Qa Ikcewicaśta ehna owotanna oḣanyan po; hecen śicaya econ keniciyapi keś, wiwicawangapi anpetu kin en, nioḣanpi waśte wanyakapi kte cin hena on Wakantanka yaonihanpi kta.

I. Inyan 3:1

He iyecen, winoḣincapi kin, nihihnapi wicihukun un po; hecen tona wicoie kin anagoptanpi śni kin hena, wicoie codan eśta, iye tawicupi oḣanpi kin on iyakapewicayapi kta;

I. Inyan 3:16

Wawiyukcan waśte hduha po; hecen śicaya oḣanyanpi iyecen tona aniiapi kin hena iśtecapi kta, Messiya on nioḣanpi waśte kin itonśniyan oniyakapi kin.

II. Inyan 1:8

Hena taku kin en niunpi qa niciyuotapi kinhan, Jesus Messiya Itancan unkiyapi sdonyapi kin en taku icaḣye c̣a waskuyeca aicage cin henicapi kta e nicagapi.