Philemon 1:4 - Dakota Wowapi Wakan Kin

⁴ Wocekiye epa eca, ohinniyan ciksuye c̣a, on Wakantanka wopida ewakiya ece:

Philemon 1:4 ပူးပေါင်းရင်းမြစ်များ

Roma 1:8

Tokaheya, Jesus Messiya eciyatanhan, niyepi owasin on etanhan, Wakantanka mitawa kin wopida ewakiya ece, niye wacinyayapi kin he maka kin owaneaya cajeyatapi kin heon.

Ephesos 1:16

Ehantanhan niyepi on wopida eya amdaśtan śni, qa wocekiye epa eca, ciksuyapi ece:

Philippi 1:3

Ciksuyapi eca, Wakantanka mitawa wopida ewakiya ece.

Kolosse 1:3

Ohinniyan wocekiye unkeniciyapi, qa on Wakantanka Jesus Messiya Itancan unkiyapi Atkuku kin wopida unkekiciyapi.

I. Thessalonike 1:2

Niyepi owasin on Wakantanka ohinniyan wopida unkekiciyapi, qa wocekiye unkeyapi kin en caje unniyatapi ece.

II. Thessalonike 1:3

Mihunkawanji, wacinyayapi kin he nina icage c̣a, wacanyakiyapi kin otoiyohi en nina niciyuotapi kin, heon ohinniyan niyepi on, Wakantanka wopida unkekiciyapi kte cin he hecetu.

II. Timotheos 1:3

Wakantanka, mihunkake kin etanhan nagi ska hduha ohowada kin, he wopida ewakiya, anpetu, hanyetu ko wocekiye epa eca, ayaśtan śni ciksuya waun;

Philemon 1:5

Jesus Itancan kin wacinyaye c̣a waśte yadaka, nakun tona owotanna un kin owasin, he nawaḣon kin heon;