Philemon 1:16 - Dakota Wowapi Wakan Kin

¹⁶ Wanna wowidake unpi kin iyecece śni, tuka wowidake kin ikapeya waśte, hunkawanjinkiciyapi waśtekidapi kin iyecen; miś hecen wacin wakiyuze cin, niye iyotan hecen wacin yakiduze kta, wicaceḣpi qa Itancan kin nakun eciyatanhan hunkawanjinyaye kta.

Philemon 1:16 ပူးပေါင်းရင်းမြစ်များ

Mattheos 23:8

Tuka niye, Itancan, eniciyapi kte śni; wanji mdetahunka duhapi, Messiya hee; qa niyepi ewasin hunkawanjinyeciyapi.

Olianyanpi kin 9:17

Hehan Ananias ye c̣a, tipi kin timahen iyaye c̣a, nape on aputake c̣a heya; Salos mihunkawanji, yatonwe ca Woniya Wakan on onijudan kta e Itancan kin u maśi; Jesus canku ohna yau kin en taninic̣iye ciqon hee.

I. Korinth 7:22

Tuwe wowidake un kin he Itancan kico kinhan, hee Itancan kin on tawa ic̣iya; qa nakun tuwe tawa ic̣iye cin hecen kicopi kinhan he Messiya wowidake tawa kin hee.

Kolosse 3:22

Wowidake yaunpi kin, tona wicaceḣpi eciyatanhan niyuhapi kin anawicakigoptan po; wicaśta iyokipiwicayapi kin iyecen, iśtapi kin itokam wawokiyapi kin hee śni, tuka nicantepi ocowasin on Wakantanka kokipa po.

I. Timotheos 6:2

Qa tona itancan wacinyan unpi kin heca ihukuya unpi kinhan, hena śicewicakidapi kte śni, om hunkawanjinkiciyapi kin heon; tuka hena wacinyan unpi, qa waśtewicadakapi, qa taku waśte kin en owicakicipapi kin heon sanpa owicakiyapi kta. Hena hecen onspewicakiye c̣a wahokonwicakiya wo.

Hebrew 3:1

Heon, mihunkawanji wakan, maḣpiya tanhan wicakico kin en oyapapi kin, wounhdakapi kin on Jesus Messiya yeśipi qa Wawayuśna Itancan kin he awacin po.

I. Johannes 5:1

Tuwe Jesus he Messiya kin ee e wicada kin he Wakantanka eciyatanhan tonpi; qa tuwe waicaḣye cin waśtedake cinhan, he tuwe iye eciyatanhan teca ni en tonpi kin he nakun waśtedaka ece.