Philemon 1:10 - Dakota Wowapi Wakan Kin

¹⁰ Hecen Onesimos micinkśi, makaśkapi kin icunhan micinca wakage cin hee on ceciciya.

Philemon 1:10 ပူးပေါင်းရင်းမြစ်များ

Markos 9:17

Unkan wicota etanhan wanji ayupta; Waonspekiye, micinkśi woniya ie śni kin heca yuhe cin he cicahi.

Roma 12:1

Heon mihunkawanji, Wakantanka wacantohnake cin on etanhan eciciyapi ce, nitancanpi kin wośnapi ni un, wakan, qa taku Wakantanka iyokipi kin, hena hecen yaqupi kta, he wawoyakiyapi kte cin hecetu ḣinca.

I. Korinth 4:14

Iśtenciyapi kta heon hena hecen wowapi wakage śni, tuka micinca waśte wicawakidake cin iyecen wahokonciciyapi.

I. Korinth 4:15

Messiya en waonspekiyapi kektopawinge wikcemna duhapi eśta, ateyapi ota duhapi śni; Jesus Messiya en wotanin waśte on cinca cicagapi.

Galatia 4:19

Micinca, niyepi kin en Messiya icaḣyapi kte cin heon ake hokśiksuya waun.

Kolosse 4:9

Qa ne kici Onesimos ye waśi, he hunkawanjin kiciyapi owotanna, qa waśte enitanhanpi kin. Heniyoza taku owasin den un kin oniciyakapi kta.

I. Timotheos 1:2

Timotheos, wacinyanpi kin eciyatanhan micinkśi kin hee, wowaśte, wowaonśida, wookiye ko, Wakantanka Ateunyanpi, qa Jesus Messiya Itancan unkiyapi kin hena etanhan kiciun nunwe.

Titos 1:4

Titos, witaya wacinyanpi kin he eciyatanhan cinkśiwaye cin; Wowaśte, wowaonśida, wookiye ko, Wakantanka Ateyapi kin etanhan, qa Jesus Messiya Itancan Wanikiya unhapi kin eciyatanhan kiciun nunwe.

Philemon 1:11

He ehanna takudan nicamna śni, tuka nakaha miye omakiye c̣a nakun niye oniciya okihi. He nakaha hde waśi.

Philemon 1:13

He yuha waun kta wacin, wotanin waśte kin on etanhan makaśkapi icunhan niye eekiya omakiye kte cin heon.

III. Johannes 1:4

Micinca wowicake kin eciyatanhan manipi nawaḣon kin heon wowiyuśkin iyotan tanka mduha, takudan kape śni.