Mattheos 9:6 - Dakota Wowapi Wakan Kin

⁶ Tuka Wicaśta Cinhintku kin woaḣtani maka akan kajuja kta okihi e he sdonyayapi kta; hehan ṭaṭake cin heciya; Najin wo, nitowinja ehdaku qa tiyata hda wo.

Mattheos 9:6 ပူးပေါင်းရင်းမြစ်များ

Mattheos 4:24

Unkan oḣan kin Suriya owancaya oyakapi; hecen tona śicaya yukanpi, qa tona wowayazan ocaje owasin on wayazanpi, qa teḣiya unpi, qa tona taku wakan śica yuhapi, qa ṭaṭapike cin hena koya owasin en awicahipi; unkan asniwicaya.

Mattheos 8:20

Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Mattheos 9:2

Unkan iho, wicaśta ṭaṭake cin wan owinja akan wanka e he en ahipi. Unkan Jesus wacinyanpi kin wanyake c̣ehan ṭaṭake cin heciya; Cinś, cante waśte wo; wayaḣtani kin nicicajujupi ce.

Mattheos 9:5

Wayaḣtani kin nicicajujupi ce, eyapi; qa iś; Najin qa mani wo, eyapi kin, unma tukte waśakadan he

Mattheos 9:7

Unkan najin hiyaye c̣a iye ti ekta hda.

Markos 2:10

Tuka Wicaśta Cinhintku kin he maka akan woaḣtani kajuju kta okihi, he sdonyayapi kta; hehan ṭaṭake cin he heciya;

Markos 2:7

Tokeca wicaśta kin de śicaya ia he: Tuwe woaḣtani kajuju kta okihi he, Wakantanka ecedan.

Lukas 5:21

Unkan wowapi kagapi qa Pharisee kin iś waakinicapi qa heyapi; De tuwe e taku śica decen eya he. Tuwe woaḣtani kajuju kta okihi he; Wakantanka ecedan okihi.

Johannes 10:28

Qa owihanke wanin wiconi wicawaqu; qa icimana owihankepi kte śni, qa minape kin etanhan tuwedan wicayuśpe kte śni.

Johannes 17:2

Wicaceḣpi owasin on wowaśake yaqu qon, hecen tona yaqu kin owasin owihanke wanin wiconi wicaqu kta.

Johannes 5:27

Qa nakun wowaśake woyaco kin he nakun Cinhintku qu, Wicaśta Cinhintku kin e heon etanhan.

Johannes 5:8

Najin, owinja ehdaku qa mani wo, Jesus eciya.

Olianyanpi kin 5:31

Hee kin Wakantanka wankan ehdaku, iye nape etapa kin ekta Itancan qa Wanikiya un kta, Israel ihduecetupi qa woaḣtani kajujupi kin wicaqu kta e heon.

Olianyanpi kin 9:34

Unkan Inyan; Eneas Jesus Messiya asniniyan, najin qa owinja hdatata wo, eciya. Unkan ihnuhanna najin hiyaya.

II. Korinth 2:10

Tuwe taku yecicajujupi kinhan, miś eya hecamon, qa tuwe taku wecicajuju kin he niyepi kin on wecicajuju, Messiya itokam.

II. Korinth 5:20

Heon Messiya on wawiciyapi kin unkiyepi, unkiyepi eciyatanhan Wakantanka ceniciyapi kin iyececa, Messiya caje on ceunniciyapi, Wakantanka kici okiciciya po.

Ephesos 4:32

Qa otoiyohi okiciciyapi, qa cantekiciyapi, qa otoiyohi kicicajuju po, Wakantanka Messiya on nicicajujupi kin he iyecen.

Kolosse 3:13

Otoiyohi iyowinyeciciyapi, qa otoiyohi yecicajujupi kta, tuwe wicaśta tokeca on taku śihda kinhan, Messiya kin nicicajujupi kin he iyecen niś econ po.