Mattheos 9:4 - Dakota Wowapi Wakan Kin

⁴ Unkan Jesus canteyuzapi kin wanyaka hehan heya; Tokeca cante mahen taku śica awacannipi he.

Mattheos 9:4 ပူးပေါင်းရင်းမြစ်များ

Mattheos 12:25

Unkan Jesus token canteyuzapi kin he sdonye c̣a hewicakiya; Wokiconze wan iye iyakitedan kiciza eca hinḣpaya ece; nakun otonwe qa tipi otoiyohi iye iyakitedan kicizapi ehantanhan ecen he kte śni.

Markos 12:15

Unqupi kta, qa iś unqupi kte śni he. Tuka iye wohnaye hduhapi sdonye c̣a hewicakiya; Tokeca iyutanmayayapi he. Kaśpapidan wanji makau po, wanmdake kta ce.

Markos 2:8

Unkan hena hecekcen awacinpi kin, Jesus iye tawacin ekta sdonya, hehan hewicakiya; Tokeca hena hecekcen awacannipi he.

Lukas 11:17

Tuka tawacinpi kin sdonwicaye c̣a hewicakiya; Wokiconze kin tona iye iyakitedan kicipajinpi kin hena atakuni śni ece; qa tipi wanji iye ic̣ipajin kinhan he jujuwahan ece.

Lukas 5:22

Tuka tawacinpi kin Jesus iwicayukcan, hehan waayupte c̣a hewicakiya; Taku e cante mahen aynkinicapi he:

Lukas 6:8

Tuka iye tawacinpi kin sdonwicaya, qa wicaśta nape śnije cin he heciya; Najin qa cokaya inajin wo. Unkan najin hiyaye c̣a en inajin.

Lukas 7:40

Unkan Jesus Waayupte c̣a heciya; Simon taku eciciye kta mduha ce. Unkan iś, Waonspekiya, katinyan eya wo, eya.

Johannes 16:19

Wiwangapi cinpi kin he Jesus sdonya, unkan heon hewicakiya; Wanna aśkayedan wanmayadakapi kte śni, qa hen ikiyedan wanmayadakapi kta, epe cin he, he token kapi hwo, otoiyohi eyeciyapi he.

Johannes 16:30

Taku owasin sdonyaye c̣a, tuwe winiwange kta iyecece śni yaun e wanna sdonunyanpi; heon etanhan Wakantanka eciyatanhan yahi kin he wicaundapi, eyapi.

Johannes 21:17

Ake iciyamni, Simon Jona cinhintku waśte mayadaka he, eciya. Yamni akihde, Waśte mayadaka he, eya iwange cin heon Inyan iyokiśica; unkan heciya, Itancan, taku owasin sdonyaya; waśtecidake cin he sdonyaya. Hehan Jesus, Taḣinca mitawa kin wo wicaqu wo, eciya.

Johannes 6:61

Unkan Jesus waonspewicakiye cin hena heya ajijipi kin, iye atayedan sdonye c̣a hewicakiya; Tokeca de iyanipaṭopi he.

Johannes 6:64

Tuka wanjikji he wicayadapi śni. Otokahe ekta tanhan tona wicadapi kte śni, qa nakun tuwe wiyopeye kte cin hena Jesus sdonya.

Olianyanpi kin 5:9

Unkan Inyan; Token on sakim Itancan Taniya kin iyutanyayapi kta ecen wacinduzapi he. Wanyaka wo, tona nihihna ḣapi kin hena sihapi kin tiyopa kin en najinpi, qa niye nakun tankan aniyanpi kta, eciya.

Wayuotanin 2:23

Qa iye cinca kin wiconṭe on wicawakte kta; qa okodakiciye kin owasin, tuwe wicapakśin wicacante ko iyukcan kin he miye e sdonyapi kta. Qa niyepi kin otoiyohi nioḣanpi kin eciyatanhan cic̣upi kta.