Mattheos 9:35 - Dakota Wowapi Wakan Kin

³⁵ Unkan Jesus otonwe kin owasin, otonwe ciqadan ko iyaza un, omniciye tipi yuhapi kin ohnahna waonspekiye c̣a wokiconze wotanin waśte kin he oyaka ece; qa wayazankapi owasin, oyate kin en teḣiya unpi ko asniwicaya ece.

Mattheos 9:35 ပူးပေါင်းရင်းမြစ်များ

Mattheos 10:1

Unkan waonspewicakiya akenonpapi kin hena wicakico qehan, taku wakan śica on wowaśake wicaqu, napewicayapi kta, qa nakun wowayazan śicaya unpi ko, owasin asniwicayapi kta.

Mattheos 11:1

Unkan Jesus waonspewicakiye akenonpapi kin taku econwicaśi ayaśtan, hehan hetanhan iyaya, otonwe tawapi kin ohnahna woyake kta qa waonspekiye kta.

Mattheos 11:5

Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Markos 1:14

Unkan Johannes kaśka hnakapi qehan, Jesus Galile en hi, qa Wakantanka tokiconze wotanin waśte kin oyaka:

Markos 6:56

Unkan otonwe ciqadan, qa otonwe tanka, qa ihdukśan makoce wanke cin, tukte en ya eca, canku ohna wayazankapi kin ahiwicahnakapi qa cekiyapi; tawokoyake opapun hee kaeś yutanpi kta; unkan tona yutanpi kin hena asnipi ece.

Markos 6:6

Unkan wicadapi śni kin heon yuśinyaya. Qa otonwe ihdukśan wanke cin ektakta waonspewicakiya iyaya.

Lukas 13:22

Unkan otonwe qa otonwe ciqadan iyaza ye c̣a, waonspekiya; qa Jerusalem etkiya ya.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.

Olianyanpi kin 2:22

Israel wicaśta, wicoie kin de naḣon po; Jesus Nazareth etanhan qon, wicaśta wan niyepi kin ekta, Wakantanka hdutanin qon, wicowaśake, taku on inihanpi, qa wowapetokeca niyepi cokaya Wakantanka econ kiye ciqon hena e niye sdonyayapi.