Mattheos 8:29 - Dakota Wowapi Wakan Kin

²⁹ Unkan iho, heya howayapi; Jesus Wakantanka Cinhintku, taku unkiyotahedan un he; hinaḣinke śni tuka itokam kakiśunyayapi kta on yahi he.

Mattheos 8:29 ပူးပေါင်းရင်းမြစ်များ

Mattheos 4:3

Unkan wawiyutanyan kin en hi qa heciya; Wakantanka Cinhintku kin he niye hecinhan, inyan kin dena aguyapi icage kta keya wo.

Mattheos 8:30

Unkan yukanpi kin itehan kukuśe optaye wan wo wicaqupi ece.

Markos 1:24

Qa heya; Unkayuśtan po; Jesus Nazareth etanhan, taku ecaunniconpi he; ihangunyayapi kta yahi he; nituwe kin sdonwaya, Taku Wakan Wanji Wakantanka tawa kin he niye.

Markos 3:11

Qa tona woniya śapa yuhapi kin hena wanyakapi, hehan itokam makata iḣpayapi qa heya howayapi, Wakantanka Cinhintku kin he niye ye.

Markos 5:7

Qa hotankakiya hotanin qa heya; Jesus Wakantanka Tehanwankantu Cinhintku kin, taku e unkiyotahedan un he; Taku Wakan cajeyan ceciciya, kakiśmayaye kte śni.

Lukas 4:34

Qa heya; Hanta wo, Jesus Nazareth, niye qa unkiye taku unkicicapi he; ihangunyayapi kta yahi he; Wakantanka Taku Wakan Wanji tawa kin he niye e sdonciya ce.

Lukas 4:41

Qa wakan śica iś eya ota wicota etanhan hinanpapi, qa heya niyanpi; Wakantanka Cinhintku Messiya kin he niye ce. Unkan iye wicakiśice c̣a, Messiya hee sdonyapi kin he, eyapi kta iyowicaki śni.

Lukas 8:28

He Jesus wanyake c̣ehan, hoyeye c̣a itokam makata eḣpeic̣iye c̣a hotankakiya heya; Jesus Wakantanka Iyotan Wankantu Cinhintku kin, token unyakon kta he. Ceciciya ce, Kakiśmaye śni wo.

Johannes 2:4

Unkan Jesus heciya; Winoḣinca hetanhan iwamayatokiya he; nahanḣin iyemicihantu śni ce.

Olianyanpi kin 16:17

He Palos unkiyepi ko unkihakam u, qa; Wicaśta kin dena Wakantanka tehan wankantuya un kin taokiye wicaye cin, wiconi canku kin unkokiyakapi kin hena eepi ce, eya hoyekiya.

Jakob 2:19

Taku Wakan kin wanjidan he wicayada; he tanyan ecanon; taku wakan śicapi kin iś eya wicadapi qa cancanpi ece.

II. Inyan 2:4

Wakantanka maḣpiya ohnihde waḣtanipi qon hena wicakpatan śni, tuka wakanśica ti kin ekta iyayewicaya, qa woyaco kte cin hehanyan wicayuhapi kta e otpaza maza icicaḣiḣa on wicakaśka hecinhan;

Judas 1:6

Qa nakun maḣpiya ohnihde otokahe unpi kin kpatanpi śni, tuka iye tipi eḣpekiyapi qon, hena otpaza ihukuya, owihanke wanin mazaicicaḣiḣa kin on, anpetu tanka woyaco kin he en awicayuha.