Mattheos 8:20 - Dakota Wowapi Wakan Kin

²⁰ Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Mattheos 8:20 ပူးပေါင်းရင်းမြစ်များ

Mattheos 12:32

Qa tuwe Wicaśta Cinhintku kin taku śica eciye cinhan, he kicicajujupi kta; tuka tuwe Woniya Wakan kin taku śica eciye cinhan, he kicicajujupi kte śni, wiconi kin de en, qa nakun wiconi u kte cin en.

Mattheos 12:40

Anpetu yamni qa hanyetu yamni hehanyan Jonas hogan tanka tezi kin ohna un qon, he iyecen anpetu yamni qa hanyetu yamni Wicaśta Cinhintku kin maka cante kin en un kta.

Mattheos 12:8

Qa Wicaśta Cinhintku kin he anpetu wakan Itancan kin he nakun ee.

Mattheos 13:37

Unkan iye awicayupte c̣a hewicakiya; Tuwe su waśteśte oju qon he Wicaśta Cinhintku kin hee.

Mattheos 16:13

Jesus Kesarea Philippi makoce kin en i qehan waonapewicakiye cin wiwicawange qa heya; Wicaśta Cinhintku kin miye matuwe kin, wicaśta keyapi he.

Mattheos 16:27

Wicaśta Cinhintku kin iye Atkuku towitan hduha taohnihdewicaye cin em u kta; hehan wicaśta otoiyohi iye oḣanpi kin eciyatanhan wicaqu kta.

Mattheos 17:9

Unkan paha kin etanhan kun hdicupi, hehan Jesus wahokonwicakiye c̣a heya; Wowanyake kin he tuwedan okiyakapi śni po, Wicaśta Cinhintku kin wiconṭe etanhan piya ikicage śni hehanyan.

Mattheos 19:28

Unkan Jesus hewicakiya; Awicakehan heciciyapi; Niyepi tona teca ni en wicatonpi kin de en omayapapi kin, tohan Wicaśta Cinhintku kin wowitan oiyotanke tawa kin en kiyotanke cinhan, niś eya oiyotanke akenonpa akan idotankapi kta, qa Israel wicoun akenonpa wicadacopi kta ce.

Markos 8:38

Heon etanhan tuwe, wicoicage wiinaḣman qa waḣtani sa kin de en, miye qa mioie kin on iśtece cinhan, tohan Wicaśta Cinhintku kin iye Atkuku towitan hduha, ohnihde wakan kin om u kinhan, wicaśta kin he on iśtece kta ce.

Lukas 12:8

Qa nakun heciciyapi ce; Tuwe kaśta wicaśta kin wicitokam miye mayaotanin kinhan, Wicaśta Cinhintku kin Wakantanka taohnihde kin hena itokam he yaotanin kta.

Lukas 18:8

Ihnuhanna towicakicic̣on kta, eciciyapi ce. Tuka Wicaśta Cinhintku kin he tohan hi kinhan, maka akan wacinyanpi iyeye kta he.

Lukas 2:12

Qa on sdonyayapi kte cin he dee; Hokśiyoqopa kin śina on yuskiskitapi qa wanunyanpi en wotapi wan ohna wanka iyeyayapi kta ce.

Lukas 2:16

Hecen koyaḣanna upi, qa Mary Joseph kici, qa hokśiyoqopa kin wanunyanpi en wotapi wan ohna wanka iyeyapi.

Lukas 2:7

Hecen cinhintku tokapa kin ton, qa śina on hduskite c̣a, wanunyanpi en wotapi wan en ohnaka; timahen owicakan śni heon etanhan.

Lukas 21:36

Heon ohinniyan wakta po, qa cekiya po; hecen taku hiyohi kte cin dena owasin icunom idadapi, qa Wicaśta Cinhintku kin itokam nayajinpi kta iyececa niyawapi kta ce.

Lukas 8:3

Qa Joanna, Cuza Herod waawanyagkiye ciqon he tawicu, qa Susanna, qa nakun toktokeca ota, hena woyuha yuhapi kin on okiyapi ece.

Lukas 9:58

Unkan Jesus heciya; Śungidan kin waśun tonpi, qa maḣpiya okinyanpi kin hoḣpi yuhapi, tuka Wicaśta Cinhintku kin iye pa kin tukten iwanke kte cin ee kaeś hduhe śni ce.

Johannes 1:51

Unkan heciya; Wowicake, wowicake eciyatanhan heciciyapi, Tokata maḣpiya kin yuzamnipi, qa Wakantanka taokiye kin wankantkiya yapi, qa ake kuntkiya upi, qa Wicaśta Cinhintku kin en himniciyapi wandakapi kta ce.

Johannes 12:34

Oyate kin ayuptapi; Woope kin eciyatanhan, Messiya owihanke wanin un kta ce, eyapi naunḣonpi; hecen, Wicaśta Cinhintku kin wankan ehdepi kta ce, token on hecen eha he; Wicaśta Cinhintku kin he tuwe he.

Johannes 13:31

He tankan iyaya, hehan Jesus hey a; Wanna Wicaśta Cinhintku kin yutanpi, qa nakun iye eciyatanhan Wakantanka iś yutanpi.

Johannes 3:13

Nahaḣin tuwedan maḣpiya kin ekta i śni, tuwe maḣpiya kin eciyatanhan kuntkiya u, qa hi kin he Wicaśta Cinhintku kin hee, nahaḣin nakun maḣpiya kin ekta yanka.

Johannes 3:14

Nakun ḣewoskan wanmduśka Moses wankan ehde qon he iyecen Wicaśta Cinhintku kin wankan ehdepi kta.

Johannes 6:27

Taku yutapi on wicatakuni śni heon ḣtanipi śni po; tuka taku yutapi owihanke wanin wiconi hehanyan kte cin hee on ḣtani po, he Wicaśta Cinhintku kin nic̣upi kta; Wakantanka Ateyapi kin wanna he askamton.

Johannes 6:53

Hehan Jesus hewicakiya; Wowicake, wowicake eciyatanhan heciciyapi; Wicaśta Cinhintku kin ceḣpi etanhan yatapi śni, qa we kin datkanpi śni kinhan wiconi takudan en niunpi kte ini.

Johannes 6:62

Wicaśta Cinhintku kin wankan un qon ake ekta kihde c̣a, wandakapi kinhan, tokeca kta he.

Olianyanpi kin 7:56

Qa heya; Wanyaka po, maḣpiya kin yuzamnipi, qa Wicaśta Cinhintku kin Wakantanka etapa kin eciyatanhan najin e wanmdaka ce, eya.

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.