Mattheos 7:29 - Dakota Wowapi Wakan Kin

²⁹ Wanji wookihi yuhe cin iyecen wahokonwicakiya, qa wowapi kagapi econpi kin iyecece śni.

Mattheos 7:29 ပူးပေါင်းရင်းမြစ်များ

Mattheos 28:18

Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:

Mattheos 5:20

Miye heciciyapi ce; Wicoowotanna nitawapi kin, wowapi kagapi qa Pharisee tawapi kin isanpa tanka śni kinhan, maḣpiya wokiconze kin en ecaca oyapapi kte śni.

Mattheos 5:28

Tuka miś heciciyapi; Tuwe winoḣinca wan en etonwe c̣a cantiheye cinhan he wanna cante ekta kici Wawiciḣaḣapi econ.

Mattheos 5:32

Tuka miś heciciyapi; Tuwe tawicu eḣpekiya, wawiciḣaḣapi econ kin on etanhan śni, he wawiciḣaḣapi econkiya ece; qa tuwe winoḣinca eḣpeyapi kin he yuze cinhan he nakun wawiciḣaḣapi econ ece.

Mattheos 5:44

Tuka miś heciciyapi; Tona tokaniyanpi kin hena cante wicakiya po; qa tona niyaśicapi kin hena wicayawaśte po; tona śicenidapi kin hena taku waśte ecawicakicon po; qa tona taku i en iyeniyanpi qa teḣiya nicuwapi kin hena wecekiye ewicakiciya po.

Mattheos 7:28

Unkan Jesus wicoie kin dena ihunnikiya, hehan wicota wahokonwicakiye cin on yuśinyayapi.

Mattheos 8:1

Unkan paha kin etanhan kun ku qehan, wicota ḣinca ihakam unpi.

Lukas 20:8

Unkan Jesus hewicakiya; Miś eya wicookihi tukte on dena ecamon kin nakun ociciyakapi kte śni ce.

Lukas 21:15

Wicai wicoksape ahna cic̣upi kta, hecen tokaniyanpi kin tuwedan taku iennihdepi kte śni, qa iyakapeniyanpi kte śni.

Olianyanpi kin 6:10

Tuka Woksape Woniya ko on ie cin he okihipi śni.