Mattheos 6:33 - Dakota Wowapi Wakan Kin

³³ Tuka Wakantanka tokiconze kin he tokaheya akita po, qa toowotanna nakun; kinhan dena taku owasin koya nic̣upi kta.

Mattheos 6:33 ပူးပေါင်းရင်းမြစ်များ

Mattheos 19:28

Unkan Jesus hewicakiya; Awicakehan heciciyapi; Niyepi tona teca ni en wicatonpi kin de en omayapapi kin, tohan Wicaśta Cinhintku kin wowitan oiyotanke tawa kin en kiyotanke cinhan, niś eya oiyotanke akenonpa akan idotankapi kta, qa Israel wicoun akenonpa wicadacopi kta ce.

Mattheos 19:29

Qa tuwe kaśta, tipi, qa hunkawanjitku, qa tawinoḣtin, qa atkuku, qa hunku, qa tawicu, qa cinca, qa maga, micaje on etanhan eḣpeye cinhan, he opawinge akihde hduhe kta, qa nakun owihanke wanin wiconi mnaiciye kta.

Mattheos 3:2

Qa heya; ihduecetu po, maḣpiya wokiconze kin wanna kiyedan u ce.

Mattheos 4:17

Unkan hetanhan Jesus woyaka aye c̣a heya ece; Ihduecetu po, maḣpiya wokiconze kin wanna kiyedan u ce.

Mattheos 5:6

Tona woowotanna on wotektehdapi qa ipuzapi kin hena wicayawaśtepi ce; hena imnanpi kta.

Lukas 1:6

Hena sakim Wakantanka itokam owotanpidan, qa Itancan tawoahope qa wicoope tawa kin owasin omanipi, iyaonpepica śni unpi.

Lukas 12:31

Tuka Wakantanka tokiconze kin hee tokaheya ihnihda po, kinhan dena owasin koya nic̣upi kta.

Johannes 5:4

Tohan iyehantu eca, maḣpiya ohnihde wan mini kin en hi qa śkanśkanya ece. Tokiya yazan kin owasin tohan mini in he śkanśkan eca tuwe tokaheya en iyoḣpeic̣iya eca asni ece.

Johannes 6:27

Taku yutapi on wicatakuni śni heon ḣtanipi śni po; tuka taku yutapi owihanke wanin wiconi hehanyan kte cin hee on ḣtani po, he Wicaśta Cinhintku kin nic̣upi kta; Wakantanka Ateyapi kin wanna he askamton.

Olianyanpi kin 20:25

Qa nakaha iho, niyepi kin Wakantanka tokiconze kin ociciyag ciipi qon owasin ake miite kin wanmayadakapi kte śni e sdonwakiya.

Olianyanpi kin 28:31

Wakantanka tokiconze kin yaotanin, qa Jesus Messiya Itancan taku tawa kin wuditagya oyaka ece, tuwedan teḣinda śni.

Roma 1:17

Heon etanhan Wakantanka owotanna oḣanye cin he wacinyanpi kin etanhan wacinyanpi ekta yuotaninpi; wowapi qon iyececa, Tuwe owotanna kin he wacinyanpi on ni kta ce.

Roma 10:3

Wakantanka toowotanna kin sdonyapi śni, qa iye wicoowotanna tawapi kin hdusutapi akitapi, qa Wakantanka toowotanna kin he ihukuya iyeic̣iyapi śni.

Roma 14:17

Woyute qa woyatke kin Wakantanka tokiconze kin hee śni; tuka wicoowotanna wookiye qa Woniya Wakan kin en wowiyuśkin kin hena ee.

Roma 8:31

Heon etanhan hena taku kin en taku unkeyapi kta he. Wakantanka unkicipi un kinhan, tuwe kaśeunyanpi kta he.

I. Korinth 1:30

Tuka iye eciyatanhan Jesus Messiya en unyakonpi; he unkiyepi on Wakantanka eciyatanhan woksape, qa woowotanna, qa woyuecedan, qa wokajuju ikicaga.

I. Korinth 3:22

Palos, qa Apolos, qa Inyan, qa wicoicage kin, qa wiconi, qa wiconṭe, qa taku nakaha un kin, qa taku u kte cin hena owasin nitawapi;

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Philippi 3:9

Qa he en waun kta, mitoowotanna wicoope kin eciyatanhan un kin he wahduhe śni, tuka taku Messiya wacinyanpi eciyatanhan un kin, Wakantanka toowotanna wacinyanpi kin on icage cin hee wacin.

II. Thessalonike 1:5

Wakantanka tawoyaco owotanna wowapetokeca kin he dee, nicakijapi kin heon Wakantanka tokiconze kin iyehantu niyawapi kta.

I. Timotheos 4:8

Wicatancan yeic̣iyapi kin he taku cistinna okihi; tuka Wakantanka awacinpi kin he taku owasin okihi, wiconi kin de, qa wanji u kte cin iwahoyapi kin en un.

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.

II. Inyan 1:11

Qa nakun heon Jesus Messiya Itancan qa Wanikiya unkitawapi tokiconze owihanke wanice cin en yaipi kte cin wijinya nic̣upi kta.