Mattheos 6:28 - Dakota Wowapi Wakan Kin

²⁸ Qa tokeca wokoyake on iyokiśinniciyapi he; tinta mnaḣcaḣca kin wanyaka po, icage cin; ḣtani śni qa nakun wapahmun śni;

Mattheos 6:28 ပူးပေါင်းရင်းမြစ်များ

Mattheos 10:10

Qa icimayanipi kin on wojuhadan, qa onḣdoḣda nonpa, qa hanpa, qa cansagye, yuhapi śni po; tuwe ḣtani kin he woyute qupi ece e kta iyececa.

Mattheos 6:25

Heon etanhan heciciyapi; Yanipi kin on nagiyeic̣iyapi śni po, taku yatapi kta, qa taku datkanpi kta; qa nakun nitancanpi on taku kodakapi kta: Wiconi kin he woyute isanpa śni he; qa wicatancan kin iś wokoyake isanpa yawapi śni he.

Mattheos 6:27

Niyepi etanhan wanji tukte e he awacannipi on wiciśpa wanjidan kaeś sanpa nihduhanskapi oyakihipi kta he.

Mattheos 6:31

Heon etanhan, Taku untapi, qa taku unyatkanpi, qa taku kounyakapi kta he, eya wacin iyokiśicapi śni po.

Lukas 10:41

Tuka Jesus waayupte c̣a heciya; Martha, Martha, taku ota yakicanda wacanni, qa on nagiyenic̣iya ece:

Lukas 12:11

tohan omniciye tipi kin en anihipi kinhan qa wicaśtayatapi wowaśake ko ekta, taku qa token aduptapi kta, qa taku ehapi kte cin awacinpi śni po.

Lukas 12:22

Unkan waonspewicakiye cin hewicakiya; Hecen on heciciyapi ce, Yanipi kin on taku yatapi kte cin, qa iś tancan kin taku kodakapi kte cin, hena on nagiyeic̣iyapi sni po.

Lukas 12:27

Mnaḣcaḣca kin he token icaga ece kin he iyukcan po; ḣtani sni qa nakun wakahmun śni; tuka heciciyapi ce, Solomon token okitanin eśta, dena wanji iyecen wakoyake śni.

Lukas 3:11

Waayupte c̣a hewicakiya; Tuwe onḣdoḣda nonpa yuhe cinhan, he tuwe nice cin unma qu kta; qa tuwe woyute ton kinhan, iś eya ecen econ kta ce.

Philippi 4:6

Takudan iyokiśinya awacinpi śni po, tuka taku yacinpi kin owasin on, wocekiye, wokidapi qa wopida eyapi ko on Wakantanka oyakidakapi kta.

I. Inyan 5:7

Wacin akipam duzapi kin owasin iye en aiḣpeya po; iye qe awanicinpi ece.