Mattheos 5:46 - Dakota Wowapi Wakan Kin

⁴⁶ Tona waśtenidapi kin hena waśte wicayadapi kinhan wokajuju taku duhapi he; wamnayanpi kin hena eepi kaeś heconpi śni he.

Mattheos 5:46 ပူးပေါင်းရင်းမြစ်များ

Mattheos 11:19

Wicaśta Cinhintku kin wota qa wayatkan hi; unkan heyapi; Iho, wicaśta wan wote sa qa miniśa yatkan ece, wamnayanpi qa waḣtanipi sa takodawicaya ece. Tuka woksape iye cinca kin on owotanna oyakapi ece.

Mattheos 18:17

Tuka hena nakun anawicagoptan śni kinhan, hehan okodakiciye kin owicakiyaka wo; unkan okodakiciye kin anawicagoptan śni kinhan, hehan Ikcewicaśta qa wamnayanpi kin iyecen yahdawa kta.

Mattheos 5:47

Qa aunka wicayayapi kin henana napewicaduzapi kinhan, taku econpi ece sanpa tukte e ecanonpi he; wamnayanpi kin hena eepi kaeś heconpi śni he.

Mattheos 6:1

Wicaśta itokam ihnuhan taku ituyaḣanpi kinhan, wanniyakapi kta heon; hecen ecanonpi kinhan Niyatepi maḣpiya ekta un kin he takudan nic̣upi kte śni.

Markos 2:15

Unkan he ti kin ohna Jesus wota iyotanka, hehan mazaska mnayanpi waḣtanipi sa ko ota Jesus kici iyotankapi, waonspewicakiye cin hena koya: wicota qa ihakam unpi ece.

Markos 2:16

Unkan wowapi kagapi Pharisee ko, wamnayanpi qa waḣtanipi sa om wota yanka wanyakapi, hehan waonspewicakiye cin hewicakiyapi;. Tokeca e wamnayanpi waḣtanipi sa ko om wota qa wayatkan he.

Lukas 15:1

Unkan hehan wamnayanpi qa waḣtanipi sa, hena owasin naḣonpi kta e on en ahi.

Lukas 18:13

Unkan wamnaye cin iś itehanyan inajin, qa iśta ee kaeś wankan maḣpiya kin ekta ikikcu śni; tuka maku kin ohna aic̣ipe, ca heya; Wakantanka onśimakida wo, wawaḣtani sa.

Lukas 19:2

Unkan iho, wicaśta wan Zakeus eciyapi, wamnayanpi itancan kin wanji hee, qa wijica.

Lukas 19:7

Unkan he wanyakapi qehan owasin ikapapi qa heyapi, Wicaśta wan waḣtani sa he kici wote kta iyaya ce.

Lukas 3:12

Hehan wamnayanpi kin iś nakun baptem wicaqu kta on en hipi qa heciyapi; Waonspekiye unkiye token econkupi kta he.

Lukas 5:29

Unkan Lewi iye ti kin en wohanpi tanka kicaga; unkan wamnayanpi kin iś wicota, qa toktokeca nakun en opeya wotapi kta iyotankapi.

Lukas 5:30

Tuka wowapi kagapi wicayuhapi qa Pharisee kin hena waonspewicakiye cin wicakigepi, qa heyapi; Tokeca e wamnayanpi qa waḣtanipi sa om wayatapi qa wadatkanpi ece he.

Lukas 7:29

Unkan oyate kin qa wamnayanpi kin tona naḣonpi owasin Wakantanka yaowotanpi, Johannes baptem wicaqu kin en opapi.

Lukas 7:34

Wicaśta Cinhintku kin he wote c̣a wayatke hi; unkan hehapi; Wan, wicaśta wan wote sa, qa miniśa yatke sa, wamnayanpi qa waḣtanipi sa takodawicaya ece.