Mattheos 5:45 - Dakota Wowapi Wakan Kin

⁴⁵ Hecen Ateyayapi maḣpiya ekta un kin he cincaniyanpi yaunpi kta; he qe anpetu wi tawa kin wicaśta śica wicaśta waśte ko en awicahinanpeya ece, qa wicaśta owotanna owotanna śni ko awicamagajuya ece.

Mattheos 5:45 ပူးပေါင်းရင်းမြစ်များ

Mattheos 5:9

Tona wookiye kagapi kin hena wicayawaśtepi; hena Wakantanka cinca ewicakiyapi kta.

Lukas 6:35

Tuka niś tona tokaniyanpi kin cantewicakiya po, taku waśte econpi qa owicaqu po, ake taku nic̣upi kta kecinpi śni po; kinhan wokajuju tanka duhapi kta, qa Iyotan Wankantu kin he cinca yaunpi kta: he iye tona pida śni qa śicapi kin cantewicakiya ece.

Johannes 13:35

Heon waonspeciciyapi yaunpi kin wicaśta owasin sdonyapi kta, otoiyohi waśteyecidapi kinhan.

Olianyanpi kin 14:17

Hececa eśta tanyan econ, qa maḣpiya eciyatanhan magaju wicaqu, makoncage taku ota icaḣye cin hena ko, qa woyute wowiyuśkin ko on cante imnaunyanpi qon, he eciyatanhan ohinniyan ihdutanin ce.

Ephesos 5:1

Heon hokśiyopa cantekiyapi kin iyecen Wakantanka opa po.

Philippi 2:15

Hecen iyaonpepica śni, qa owotanna, wicoicage wan pemni, qa yukśankśanyan un kin ehna Wakantanka cinca ecedan yaunpi kta; hena en maka petijanjan iyecen iyoyanpa yaunpi;

I. Johannes 3:9

Tuwe Wakantanka eciyatanhan teca nien tonpi kin he woaḣtani econ śni, taku on icaḣye cin he en un kin heon; unkan waḣtani okihi śni, Wakantanka eciyatanhan teca nien tonpi kin he etanhan.