Mattheos 5:37 - Dakota Wowapi Wakan Kin

³⁷ Tuka taku ehe cin, Han, han; Hiya, hiya, ecedan kta; taku dena sanpa kinhan he taku śica etanhan icage kta.

Mattheos 5:37 ပူးပေါင်းရင်းမြစ်များ

Mattheos 13:19

Wicaśta otoiyohi wokiconze oie kin naḣon keś, okaḣnige śni kinhan, he tuwe śice cin en hi, qa taku cante en ojupi qon eyaku ece; iho, canku icahda ojupi icu qon hee.

Mattheos 13:38

Maga kin he maka ocowasin ee; su waśteśte qon he wokiconze cinca kin hena eepi; wayahota kin he tuwe śica cinca kin hena eepi:

Mattheos 15:19

Wicacante kin eciyatanhan wicotawacin śica hiyu ece; tinwicaktepi, wawiciḣaḣapi, wiinaḣmanpi, wamanonpi, woitonśni qa wicayaśicapi kin.

Mattheos 5:36

Qa nakun nipa kin he caje yahdate kte śni, paha wanjidan kaeś ska qa iś sapa yakage kta oyakihi śni, heon etanhan.

Mattheos 6:13

Qa taku wawiyutanyan un kin en unkayapi śni po, tuka taku śice cin etanhan eunhdaku po: Wokiconze kin he niye nitawa, qa wowaśake kin, qa wowitan kin, owihanke wanic̣a. Amen.

Johannes 17:15

Oyate kin detanhan ewicayahdaku kta e heon wocekiye eciciye śni, tuka taku śice cin he en anawicayecipte kta e heon.

Johannes 8:44

Wakanśica ateyayapi kin henitanhanpi, qa niyatepi tawacin kin ecen ecanonpi yacinpi ece. He otokahe etanhan tinwicakte kin heca, qa wowicake kin en najin śni, wowicake takudan en un śni nakaeś. Tohan woitonśni oyaka eca, he iye cinka ohdaka ece; iye kin woitonśni sa, qa woitonśni atkuku kin hee.

Ephesos 4:25

Heon etanhan, itonpi śni kin ayaśtanpi, qa otoiyohi wicaśta tokeca kici wowicake ece ohdaka po; otoiyohi huha yeciciyapi kin heon.

Ephesos 6:16

Qa owasin akapa tanhan wowacinye wahacanka kin icu po, he on wicaśta śica tunwanhinkpe ide kin owasin yusni oyakihipi kta.

Kolosse 3:9

Ihnuhan oiyecitonpi śni kin; wicaśta tannike cin iye wicoḣan ko yahduśdokapi;

Kolosse 4:6

Ohinniyan iyaapi kin wowaonśida en un, qa miniskuya on skuyeyapi kta, hecen wicaśta otoiyohi token awicaduptapi kte cin sdonyayapi kta.

II. Thessalonike 3:3

Tuka Itancan kin he wacinyepica, he niyusutapi, qa taku śica etanhan enihdakupi kta.

Jakob 5:12

Tuka mihunkawanji, taku owasin isanpa, Taku namaḣon ce, eyapi śni po, maḣpiya kin he, qa maka kin de, qa taku tokeca cajeyatapi ece kin nakun; tuka, han, ehapi kin he han ecedan kta, qa, hiya, ehapi kin he hiya ecedan kta; okinni woyaco kin en iyoyaḣpadapi nun ce.

I. Johannes 2:13

Hunkakeniyanpi kin, tuwe otokaheya tanhan un kin he sdonyayapi kin heon wowapi cicagapi. Kośkapi kin, tuwe śice cin he ohiyayapi kin heon wowapi cicagapi.

I. Johannes 3:12

Qain taku śice cin eciyatanhan un, qa iye sunkaku kikte qon iyecece śni. Unkan taku on kikte he. Iye kin oḣan śica, qa sunkaku kin waśte kin heon etanhan.

I. Johannes 5:18

Tuwe Wakantanka eciyatanhan tonpi kin he waḣtani śni ece e sdonunyanpi; tuka tuwe Wakantanka eciyatanhan icage cin he tanyeḣ ihduhe c̣a hecen taku śice cin he oyutan śni ece.