Mattheos 5:30 - Dakota Wowapi Wakan Kin

³⁰ Qa ninape etapa kin waḣtaniniye cinhan hdakse c̣a eḣpeya wo; nihuha wanjidan atakuniśni kinhan he waśte kta, qa tancan ocowasin Wakanśica ti kin en iyoḣpeniyanpi kte śni.

Mattheos 5:30 ပူးပေါင်းရင်းမြစ်များ

Mattheos 11:6

Qa tuwe miye on naśdute śni kinhan, he yawaśtepi ce, eya.

Mattheos 13:21

Tuka iye en hutkan wanica, hecen ecadan enakiya; tohan wicoie kin on wokakije qa śicaya kuwapi akipa hecinḣan, hinnakaha ayuśtan iyaya ece.

Mattheos 16:23

Tuka iye ihduhomni qa Inyan heciya; Satan mihektapa tanhan ya wo, tokamayaya; Wakantanka taku tawa kin awacanni śni, tuka wicaśta taku tawapi kin.

Mattheos 17:27

Tuka śihda wicunyanpi kte śni, e heon niś mde kin ekta ye c̣a hinśkijupi wan minin iyeya wo, qa hogan tokaheya hiyu kin he icu wo; he i kin dukawa kinhan ohna kangi kagapi wan iyeyaye kta; he icu qa miye qa niye on wicaqu wo.

Mattheos 18:8

Heon etanhan, ninape qa nisiha waḣtaniniyanpi hecinhan, hena hdakse c̣a eḣpeya wo; huha kaksapi wiconi en yai kta hee waśte, qa nape nonpa qa siha nonpa hduha peta owihanke wanica en iyoḣpeniyanpi kte cin he śica.

Mattheos 22:13

Hehan wicaśtayatapi kin taokiyewicaye cin hewicakiya; Siha nape ko paḣtapi qa detanhan aya po, qa tankan otpaza kin en eḣpeya po; heciya wicaceya qa hi hdakinskinzapi yuke kta.

Mattheos 25:20

Unkan tuwe tkeutapi tanka zaptan icu qon he zaptan toktokeca koya ahi qa heya; Itancan, tkeutapi tanka zaptan mayaqu; iho, nakun tkeutapi tanka zaptan hena awakamna, eya

Mattheos 26:31

Hehan Jesus hewicakiya; Hanyetu kin de niyepi owasin eḣpemayayapi kta. Kaken wowapi en kagapi; Waawanhdake kin he awape kta, unkan hetanhan taḣinca wanunyanpi optaye kin enanakiya iyayapi kta.

Mattheos 5:22

Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Mattheos 5:29

Niiśta etapa eciyatanhan kin he waḣtaniniye cinhan hduśdoke c̣a eḣpeya wo; niiśta wanji atakuniśni kinhan he waśte kta, qa tancan ocowasin Wakanśica ti kin en ehpeniyanpi kte śni.

Markos 9:43

Qa ninape waḣtaniniye cinhan hdaksa wo; nape ksa wiconi kin en yai kinhan hee waśte kta, qa nape napin hduha Wakanśica ti, peta icimana kasnipi kte śni kin en iyoḣpeniyanpi kte śni.

Lukas 12:5

Tuka tuwe koyakipapi kte cin he ito kanyehan ociciyakapi kte: Tuwe wicakte, qa hehan wakanśica tipi kin en eḣpewicaya okihi kin he eca kokipa po; han, Hee kokipa po, eciciyapi ce.

Lukas 17:2

Dena cikcistinpidan kin tuwe wanji waḣtaniye cinhan he inyan wiyukpan wanji tahu kin en napinkiyapi, qa miniyowanca kin oiyoḣpeyapi unkanś, eeś waśte kta tuka.

Roma 9:33

Wowapi kagapi qon iyececa; Wanyaka wo, Zion en ihyan ibotopi, qa imnija on ḣicahanpi wan ewahde; qa tuwe he wacinye cinhan inilian kte śni.

I. Korinth 8:13

Heon etanhan woyute kin mihunkawanji waḣtaniye cinhan, ohinniyan tado wate śni waun kta, okinni mihunkawanji waḣtaniwaye kta.

Galatia 5:11

Mihunkawanji, miś miye bakiḣdayapi kin ieyanwapaha kinhan tokeca e śicaya makuwapi he; kinhan, can susbeca iwośihda kin he enakiyapi tuka.

I. Inyan 2:8

Tona wicoie kin on śinhdapi qa waanagoptan śni unpi kin hena on; heon hecen ewicahdepi.