Mattheos 5:29 - Dakota Wowapi Wakan Kin

²⁹ Niiśta etapa eciyatanhan kin he waḣtaniniye cinhan hduśdoke c̣a eḣpeya wo; niiśta wanji atakuniśni kinhan he waśte kta, qa tancan ocowasin Wakanśica ti kin en ehpeniyanpi kte śni.

Mattheos 5:29 ပူးပေါင်းရင်းမြစ်များ

Mattheos 10:28

Unkan tona wicatancan ecedan ktepi kta okihipi, qa wicanagi kte okihipi śni kin hena kowicakipapi śni po; tuka tuwe wicanagi wicatancan ko Wakanśica ti kin en ihangye kte cin hee e kokipa po.

Mattheos 11:6

Qa tuwe miye on naśdute śni kinhan, he yawaśtepi ce, eya.

Mattheos 16:26

Wicaśta wan maka kin ecowasin kamna, qa nagi kin toki eḣpeye cinhan he taku okihi kta he; qa wicaśta nagi kin taku iyepekiye kta he.

Mattheos 17:27

Tuka śihda wicunyanpi kte śni, e heon niś mde kin ekta ye c̣a hinśkijupi wan minin iyeya wo, qa hogan tokaheya hiyu kin he icu wo; he i kin dukawa kinhan ohna kangi kagapi wan iyeyaye kta; he icu qa miye qa niye on wicaqu wo.

Mattheos 19:12

Yunokos heca yukan; hunḣ hunku tezi kin etanhan heca icagapi; qa hunḣ wicaśta on heca wicakagapi; qa hunḣ maḣpiya wokiconze kin on heca icicagapi. Tuwe he icu okihi kinhan he icu kta.

Mattheos 23:15

Wowapi kagapi qa Pharisee kin, wananiciḣmanpi, woteḣi niciyankapi nunwe; miniwanca maka ko aokibeyayapi, wicaśta wanjidan duhomnipi kta; qa ecetu kinhan, niye isanpa nonpa akihde Wakanśica cinca yakagapi ece.

Mattheos 23:33

Wamduśka henicapi, sinteḣda wicoicage, token wakanśica ti iwicayacopi kin nayecipapi kta he.

Mattheos 5:22

Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Mattheos 5:30

Qa ninape etapa kin waḣtaniniye cinhan hdakse c̣a eḣpeya wo; nihuha wanjidan atakuniśni kinhan he waśte kta, qa tancan ocowasin Wakanśica ti kin en iyoḣpeniyanpi kte śni.

Markos 8:36

Qa wicaśta wan maka kin de ocowasin ohiya eśta, qa iye nagi kin toki eḣpekiye cinhan, taku on iwaśte kta he.

Lukas 12:5

Tuka tuwe koyakipapi kte cin he ito kanyehan ociciyakapi kte: Tuwe wicakte, qa hehan wakanśica tipi kin en eḣpewicaya okihi kin he eca kokipa po; han, Hee kokipa po, eciciyapi ce.

Roma 6:6

Qa wicaśta tanina unhapi kin he iye kici icipaweḣ okatanpi kin he sdonunkiyapi, hecen woaḣtani tancan kin he ihangyapi kta, qa hetanhan woaḣtani wowidag unyanpi kte śni.

Roma 8:13

Wicaceḣpi kin eciyatanhan yanipi kinhan niṭapi kta; tuka Woniya kin eciyatanhan wicatancan wicoḣan kin ṭe yakiyapi kinhan yanipi kta.

I. Korinth 9:27

Tuka mitancan kin suta mic̣icage c̣a ṭinsmic̣iya; okinni wicaśta tokeca wotanin waśte kin owicawakiyaka eśta, miye qe ḣeyata iyemayanpi kte cin he kowakipa.

Galatia 5:24

Unkan tona Messiya tawa wicaye cin hena wicaceḣpi kin icipaweḣ okatanpi, qa wacinyuzapi cantiheyapi koya.

Kolosse 3:5

Heon etanhan, nihuhapi makata un kin hena kikte po: wiinaḣmanpi, waaśapapi, wawihnupi, tawacinśicapi, waicucupiktecin, he wakagapi ohodapi kin hee.