Mattheos 28:19 - Dakota Wowapi Wakan Kin

¹⁹ Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

Mattheos 28:19 ပူးပေါင်းရင်းမြစ်များ

Mattheos 13:52

Hehan hewicakiya; Heon etanhan wowapi kaga otoiyohi, maḣpiya wokiconze on onspekiyapi kin, he wicaśta wan tipi yuhe c̣a, mazopiye tawa kin etanhan taku teca tannika ko ikikcu ece kin he iyececa.

Mattheos 25:32

Qa itokam oyate kin iyuḣpa mniciyapi kta; unkan wicayukinukan kta, waawanhdake wan taḣinca wanunyanpi, tatokadan etanhan wicapahi ece kin he iyececa.

Olianyanpi kin 1:2

Tona wicakaḣnige c̣a yewicaśi qon hena Woniya Wakan kin eciyatanhan wahokonwicakiye cin iyohakam, anpetu wan en wankan eyakupi kin hehanyan.

Olianyanpi kin 1:8

Tuka Woniya Wakan kin en nihipi kinhan, wowaśake duhapi kta; hehan Jerusalem en, qa Juda makoce kin owancaya, qa Samaria qa maka ihanke kin hehanyan mayadaotaninpi kta ce.

Olianyanpi kin 14:21

Unkan otonwe kin he en wotanin waśte kin oyakapi, qa wicota waonspewicakiyapi qehan, hehan Lustra, qa Ikonium, qa Antiyoka ekta icicawin hdapi.

Olianyanpi kin 2:41

Unkan tona oie kin iyuśkinyan icupi kin hena baptem wicaqupi; hecen anpetu kin he en wicanagi kektopawinge yamni en opapi.

Olianyanpi kin 28:28

Hecen on he sdonya po, Wakantanka wiconi tawa kin Ikcewicaśta kin wicaqupi, unkan hena iś naḣonpi kta ce.

Olianyanpi kin 9:18

Unkan ihnuhanna taku hoceśpu kin iyececa iśta kin etanhan hinḣpaya; unkan ecahankeya tonwe c̣a najin, qa baptem qupi.

Roma 10:18

Unkan miś, Hena naḣonpi śni he, epe. Hiya, hena oqo kin makoce owasin ekta iyaye c̣a wicoie kin maka ihanke kin hehanyan i.

I. Korinth 15:29

Wicaṭe cin ecaca piya ikicagapi kte śni hecinhan, tona wicaṭe cin on baptem wicaqupi kin hena taku tokonpi kta he; qa tokeca e wicaṭe cin on baptem wicaqupi he.

Galatia 3:27

Tona Messiya caje on baptem nic̣upi kin hena Messiya kodakapi.

Ephesos 2:18

He eciyatanhan Woniya wanjidan on, napin Ateunyanpi kin ekta kiyedan ipi kin he unhapi.

Kolosse 1:23

Wacinyayapi kin en nayajinpi kinhan, sutaya yaunpi, qa ṭinsa nayajinpi, qa wotanin waśte woape nayaḣonpi kin etanhan nihinḣpayapi śni kinhan; he maḣpiya kin ihukuya wicaśta hiyeye cin owasin owicakiyakapi, qa he en Palos he miye ookiye makagapi:

I. Inyan 3:21

Qa wiyacinpi kin he iyececa, baptem nakaha niunyanpi ece; wicaceḣpi aśape cin yutokan iyeyapi kin hee śni, tuka Wakantanka ekta wawiyukcan waśte waayupte cin hee, Jesus Messiya ihduekicetu kin heon etanhan;

I. Johannes 5:7

Maḣpiya kin ekta yamni wayaotaninpi ece, Ateyapi kin, Wicoie kin, qa Woniya Wakan kin; unkan hena yamni wanjipidan.