Mattheos 28:18 - Dakota Wowapi Wakan Kin

¹⁸ Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:

Mattheos 28:18 ပူးပေါင်းရင်းမြစ်များ

Mattheos 11:27

Ate taku owasin maqu; unkan tuwedan Cinhintkuyapi kin sdonye śni, Ateyapi un kin hecedan sdonkiya; nakun tuwedan Ateyapi kin sdonye śni, tuka Cinhintku kin hecedan; qa tuwe Cinhintku kin sdonyekiye cin he nakun.

Mattheos 16:28

Awicakehan heciciyapi; Tona den najinpi kin etanhan wanjikji wiconṭe utapi kte śni, ecen Wicaśta Cinhintku kin iye tokiconze kin en u wanyakapi kta.

Mattheos 26:64

Unkan Jesus heciya; Niye ecen eha; tuka nakun heciciyapi; Tokata ekta Wicaśta Cinhintku kin wowaśake etapa eciyatanhan iyotanka qa maḣpiya śapa akan u wandakapi kta.

Lukas 10:22

Atewaye cin he taku owasin yuhemakiya; qa Cinhintkuyapi kin he tuwe kin tuwedan sdonye śni, Ateyapi kin heceyedan; qa Ateyapi kin iś tuwe kin, Cinhintkuyapi kin iye qa tona owicakiyake kte cin henana sdonyapi ece.

Johannes 13:3

Hehan Jesus Atkuku taku owasin tawa kiye ciqon he sdonkiya un, Wakan tanka eciyatanhan hi, qa ake Wakantanka ekta hde kta.

Johannes 17:2

Wicaceḣpi owasin on wowaśake yaqu qon, hecen tona yaqu kin owasin owihanke wanin wiconi wicaqu kta.

Johannes 3:31

Tuwe wankan tanhan hi kin he taku owasin iwankam ounye. Tuwe maka etanhan hi kin he maka etanhan, qa maka kin iyecenya oie kiton. Tuwe maḣpiya kin eciyatanhan hi kin he taku owasin on iyotan.

Johannes 3:35

Atkuku kin Cinhintku waśtekidake c̣a, taku owasin iye nape kin en qu:

Olianyanpi kin 10:36

Jesus Messiya kin, owasin en Itancan kin hee, he eciyatanhan wicoie Israel cinca kin wookiye iwahowicayapi qon.

Olianyanpi kin 2:36

Heon etanhan, Israel tiyohnaka owasin, de tanyan sdonya wo, Jesus icipaweḣ oyakatanpi qon, hee Wakantanka Itancan qa Messiya kaga ce.

Roma 14:9

Hecen on Messiya ṭe c̣a ake kini, wicaṭe c̣a wicani kin heniyoza en Itancan kta e heon.

I. Korinth 15:27

He siha kin ihukuya taku owasin ekihnaka. Tuka tohan, He ihukuya taku owasin ehnakapi kin, eye c̣ehan, tuwe he ihukuya taku owasin ehnake cin he okaptapi e tanin.

Kolosse 2:10

Qa iye en niś niyepi kin yuecetu yaunpi, qa he wokiconze wowaśake ko owasin Itancan kin hee.

Hebrew 1:2

He on woicage kin owasin kage c̣a, he taku owasin tawaye kta e ehde:

Hebrew 2:8

Qa iye siha kin ihukuya taku owasin eyahnaka. Taku owasin iye ihukuya ehnake cin, hecen taku ihukuya ehnakapi śni kin takudan okapte śni. Tuka nakaha nahaḣin taku owasin ihukuya ehnakapi kin wauunyakapi śni.

I. Inyan 3:22

Iye qe maḣpiya kin ekta kihde c̣a Wakantanka etapa kin eciyatanhan yanka; maḣpiya ohnihde, qa wicookihi, qa wowaśake kin owasin iye ihukun iyewicayapi.

Wayuotanin 11:15

Hehan maḣpiya ohnihde iciśakowin kin yahoton, qa maḣpiya kin ekta wicaho tanka hotaninpi, qa heyapi, Itancan unkitawapi qa Messiya tawa kin, maka wokiconze kin tawaye c̣a, ohinniyan en wicaśtayatapi un kta ce.

Wayuotanin 17:14

Qa hena Amnos kin kici kicizapi kta, tuka Amnos kin wicaktedan kta, he itancanpi kin Itancan, qa wicaśtayatapi kin en Wicaśtayatapi kin hee, qa tona om un kin hena wicakicopi, qa wicakaḣnigapi, qa wicakapi.

Wayuotanin 19:16

Qa onḣoḣda ceca sani ko akan cajo kin owapi, Wicaśtayatapi kin en Wicaśtayatapi, qa itancanpi kin Itancan kin he dee.