Mattheos 27:19 - Dakota Wowapi Wakan Kin

¹⁹ Unkan woyaco oiyotanke kin akan kiyotanka hehan tawicu kin tuwe en uśi, qa heciya; Wicaśta owotanna kin he takudan ecakicon śni we, on anpetu kin de wiwahamna en nina mayuśinyaya ce.

Mattheos 27:19 ပူးပေါင်းရင်းမြစ်များ

Mattheos 1:20

Tuka hena hecen awacin un qehan, iho, Itancan taohnihde wan wowihanmde en ihdutanin qa heya; Joseph, Dawid cinhintku, Mary winoḣinca nitawa kin he yahduze kta kokipe śni wo, taku itpihnake cin he Woniya Wakan kin etanhan.

Mattheos 2:19

Tuka Herod wanna ṭa hehan, iho, Itancan taohnihde wan Egupta ekta Joseph en taniniciya;

Mattheos 2:22

Qa Arcelaos, Juda makoce kin en, atkuku Herod tohe kin en wicaśtayatapi yanka he naḣon hehan ekta hde kta kokipa; tuka wowihanmde on Wakantanka wahoye cin on, Galile makoce kin ekta iyaya:

Mattheos 27:18

Winawizipi on he iye en kahipi e sdonya.

Mattheos 27:24

Hecen Pilate takudan okihi śni, qa nina owodutaton icaga he wanyaka, hehan mini icu, qa wicota wicitokam nape hdujaja, qa heya; Wicaśta owotanna kin de we kin miye en amaupi kte śni; niye ito wanyaka po.

Mattheos 27:4

Qa heya; Wawaḣtani, wicawe taku iyaonpepica śni kin wiyopewaya ce. Unkan heyapi; He etanhan unkitokecapi śni; he niś niye.

Lukas 23:41

Qa unkiye kin en he owotanna; taku econku eciyatanhan unkakipa ece; tuka iye qe taku śica takudan econ śni ce.

Lukas 23:47

Unkan akicita opawinge wicayuhe cin he token econpi qon he wanyake c̣ehan, Wakantanka yaonihan, qa heya; Awicakehan wicaśta owotanna he de heca ce.

Johannes 19:13

Pilate iapi kin he naḣon, unkan Jesus tankan yuha inanpa, qa oiyotanke tawa kin he ohna kiyotanka, inyan mdaya omanipi kin en, he Hebrew iapi kin etanhan Gabbatha eciyapi.

Olianyanpi kin 12:21

Unkan anpetu wan cajeyatapi qon he en Herod wicaśtayatapi ihduze c̣a, woyaco oiyotanke kin akan kiyotanke c̣a, wowicakiyaka.

Olianyanpi kin 18:12

Unkan Galiyo Akeya makoce kin en itancan un kin, hehan Juda oyate witaya Palos takpe ipi, qa woyaco oiyotanke kin en ahipi;

Olianyanpi kin 18:16

Hehan woyaco oiyotanke kin etanhan kaḣam iyewicaya.

Olianyanpi kin 18:17

Unkan Helenes wicaśta kin owasin Sosthenes, omniciye tipi kin en itancan kin he, icupi, qa woyaco oiyotanke kin itokam apapi. Tuka Galiyo hena taku kin ekta ewacin śni yanka.

Olianyanpi kin 25:10

Hehan Palos, Kesar woyaco oiyotanke tawa kin en nawajin, hen mayacopi kta iyececa; Juda oyate kin taku śice cin takudan ecawicawecon śni e tanyan sdonyaya.

Olianyanpi kin 25:17

Heon hena den hipi, unkan mdutehan śni, tuka ihanḣanna hehan, woyaco oiyotanke kin akan wakimdotanke c̣a, wicaśta kin he en au wicawaśi.

Olianyanpi kin 25:6

Unkan anpetu śahdogan, qa iś wikcemna hena om un kin, hehan Kesarea ekta hda, qa ihanḣanna qehan woyaco oiyotanke kin akan kiyotanke cin, hehan Palos en au wicaśi.

I. Inyan 2:22

Iye qe woaḣtani takudan econ śni, qa i kin ohna wohnaye takudan iyeyapi śni;

I. Johannes 2:1

Micinca cikcistinpidan, wayaḣtanipi kte śni e heon dena decen wowapi cicagapi. Unkan tuwe waḣtani kinhan Ateyapi kin ekta Wawiciya wan unhapi, Jesus Messiya owotanna kin hee.