Mattheos 26:67 - Dakota Wowapi Wakan Kin

⁶⁷ Hehan ite atagośapi qa nape on apapi; qa hunḣ kapsinpsintapi;

Mattheos 26:67 ပူးပေါင်းရင်းမြစ်များ

Mattheos 26:68

Qa heyapi; Messiya he niye, tuwe anipe cin he ito unkokiyaka po.

Mattheos 27:30

Qa atagośapi, qa cedi kin icupi qa pa en apapi.

Mattheos 5:39

Tuka miś heciciyapi; Taku śica tokic̣onpi śni po; tuka tuwe tapon etapa eciyatanhan anipe cinhan unma eciyatanhan kipazo po.

Markos 10:34

He qe iḣaḣapi kta qa kapsinpsintapi kta, qa atagośapi kta, qa ktepi kta; unkan anpetu iciyamni kinhan ake kini kta.

Markos 14:65

Hehan wanjikji atagośapi qa ite ogekicitonpi, qa apapi qa; Wokcan wo, eciyapi. Unkan ookiye unpi kin iś eya nape on apapi.

Markos 15:19

Qa cedi tanka wan on pa kin en apapi, qa atagośapi, qa canpeśka makehde inajinpi, qa ohodapi.

Johannes 18:22

Hena hecen eya, unkan akicita eyanpaha wan en najin kin he Jesus apa, qa heya; Wośna kagapi itancan kin hecen adupta he.

Johannes 19:3

Qa, iho, Juda Wicaśtayatapi kin, eciyapi, qa nape on apapi.

I. Korinth 4:13

Unyaśicapi keś ceunkiyapi ece. Wicoicage en watuśekśeca kin iyecen unkagapi, qa anpe dehanyan taku owasin etanhan taku kahin eḣpeyapi kin hecen unyawapi ece.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.