Mattheos 26:64 - Dakota Wowapi Wakan Kin

⁶⁴ Unkan Jesus heciya; Niye ecen eha; tuka nakun heciciyapi; Tokata ekta Wicaśta Cinhintku kin wowaśake etapa eciyatanhan iyotanka qa maḣpiya śapa akan u wandakapi kta.

Mattheos 26:64 ပူးပေါင်းရင်းမြစ်များ

Mattheos 16:27

Wicaśta Cinhintku kin iye Atkuku towitan hduha taohnihdewicaye cin em u kta; hehan wicaśta otoiyohi iye oḣanpi kin eciyatanhan wicaqu kta.

Mattheos 16:28

Awicakehan heciciyapi; Tona den najinpi kin etanhan wanjikji wiconṭe utapi kte śni, ecen Wicaśta Cinhintku kin iye tokiconze kin en u wanyakapi kta.

Mattheos 22:44

Itancan kin Itancan mitawa heciya; Mietapa ekta iyotanka wo, tona tokaniyanpi kin siha oahe nitawa wicawakage kta, hehanyan.

Mattheos 24:30

Unkan hehan maḣpiya en, Wicaśta Cinhintku kin wowakta tawa kin tanin kta. Hehan maka akan oyate owasin nihinciyapi kta, qa Wicaśta Cinhintku kin wowaśake qa wowitan tanka hduha, maḣpiya śapa akan u wanyakapi kta.

Mattheos 25:31

Tohan Wicaśta Cinhintku kin wowitan hduha, ohnihdewicaya wakan kin owasin om u kinhan, hehan wowitan oiyotanke tawa kin en kiyotanke kta:

Mattheos 26:25

Unkan Judas wiyopeye kte cin he ayupte c̣a; Itancan, he miye he, eya. Unkan, Niye heha ce, eciya.

Mattheos 27:11

Unkan Jesus wicaśta itancan kin itokam inajin: Qa wicaśta itancan kin wiwange c̣a heciya; Juda wicaśtayatapi kin he niye he. Unkan; Niś heha ce, Jesus eya.

Mattheos 28:18

Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:

Mattheos 8:20

Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Markos 14:62

Unkan Jesus heya; He miye; qa Wicaśta Cinhintku kin wowaśake etapa eciyatanhan iyotanke c̣a, maḣpiya śapa akan u wandakapi kta ce.

Lukas 21:27

Hehan Wicaśta Cinhintku kin maḣpiya śapa wan akan, wowaśake qa wookitanin tanka hduha u wandakapi kta.

Lukas 22:69

De iyohakam Wicaśta Cinhintku kin Wakantanka towaśake etapa kin eciyatanhan iyotanke kta ce, eya.

Lukas 22:70

Unkan owasin heyapi; Hecen Wakantanka Cinhintku kin he niye he. Unkan, He miye kehapi ce, ewicakiya.

Johannes 18:37

Hehan Pilate heciya; Wicaśtayatapi kin henica he. Unkan Jesus ayupte; Wicaśtayatapi hemaca e ecen eha; hemaca kta e on matonpi, qa heon makata wahi, wowicake mdaotanin kta e heon. Tuwe wowicake eciyatanhan un kinhan he miho kin naḣon ece.

Olianyanpi kin 1:11

Qa, Galile wicaśta, tokeca e maḣpiya ekta etonwan nayajinpi he. Jesus e qe niyepi etanhan maḣpiya ekta eyakupi kin, he maḣpiya ekta wankan iyaya wandakapi kin he iyecen ake u kta, ewicakiyapi.

Roma 14:10

Tokeca nihunkawanji daco he; qa tokeca nihunkawanji iyakiḣaḣa he. Owasin Messiya tawoyaco oiyotanke kin itokam inaunjinpi kta.

I. Thessalonike 4:16

Iyaśapi wan qa maḣpiya ohnihde itancan wan ho kin, qa Wakantanka maza yahotonpi tanka tawa ko Itancan kin hduha, maḣpiya kin eciyatanhan kun u kta; unkan tona Measiya en ṭapi qon hena tokaheya najinpi kta.

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

Wayuotanin 1:7

Wanyaka po, maḣpiya śapa kin akan u; unkan wiciśta owasin wanyakapi kta, qa tona he capapi qon hena nakan, qa iye on oyate maka ohnaka kin owasin aic̣ipapi kta. Hecetu nunwe. Amen.

Wayuotanin 20:11

Hehan oiyotanke ska tanka wan wanmdaka, qa tuwe akan iyotanke cin he ite kin etanhan maka maḣpiya ko najicapi; qa tukten wanke kte cin iyeyapi śni.