Mattheos 26:63 - Dakota Wowapi Wakan Kin

⁶³ Tuka Jesus inina yanka. Unkan wośnapi kagapi itancan kin heciya; Wakantanka ni un kin on wacajeciciyate, Messiya Wakantanka Cinhintku kin he niye hecinhan, unkokiyaka miye.

Mattheos 26:63 ပူးပေါင်းရင်းမြစ်များ

Mattheos 16:16

Unkan Simon Inyan ayupte c̣a; Messiya Wakantanka ni un Cinhintku kin he niye, eya

Mattheos 26:62

Hehan wośnapi kagapi itancan kin najin hiyaye c̣a heciya; Dena taku iyanionpapi kin takudan adupte śni he.

Mattheos 27:12

Unkan wośnapi kagapi wicaḣincapi ko taku iyaonpapi, tuka takudan ayupte śni.

Mattheos 27:14

Tuka oie wanjidan eśta ayupte śni, hecen wicaśta itancan kin nina yuśinyaya.

Mattheos 27:40

Qaheyapi; Tipi wakanihangyaye c̣a anpetu yamni ake piya yakage kte ciqon, niic̣iya wo. Wakantanka Cinhintku kin he niye hecinhan, cansusbeca kin etanhan kun ku wo.

Mattheos 27:43

Wakantanka wacinkiye ciqon; tawa kta hecinhan wanna ehdaku kta; Wakantanka Cinhintku kin he miye ce, eye ciqon.

Mattheos 27:54

Unkan akicita tancan qa tona om Jesus awanyake cin hena maka kin śkanśkan qa taku econpi ko wanyakapi qehan, nina yuśinyayapi, qa, Awicakehan Wakantanka Cinhintku kin he dee tuka ce, eyapi.

Mattheos 4:3

Unkan wawiyutanyan kin en hi qa heciya; Wakantanka Cinhintku kin he niye hecinhan, inyan kin dena aguyapi icage kta keya wo.

Markos 14:61

Tuka iye inina un qa takudan ayupte śni. Ake wośna kagapi itancan kin wiwange c̣a heciya; Messiya, Iyotan Waśte Cinhintku kin he niye he.

Johannes 1:34

He wanmdaka e on mdaotanin; Wakantanka Cinhintku kin hee.

Johannes 1:49

Nathanael ayupte c̣a heciya; Itancan, Wakantanka Cinhintku, Israel oyate Wicaśtayatapi kin he niye.

Johannes 10:24

Hehan Juda oyate itan ihdukśan himniciyapi qa heciyapi; Tohanyan wacin akipam yusunyakiyapi he; Messiya kin he niye hecinhan taninyan unkokiyaka po.

Johannes 10:30

Miye, qa Atewaye cin unwanjipidan, eya.

Johannes 10:36

Hecen tuwe Ateyapi kin hdnwakan qa makata u śi kin he, Wakantanka Cinhintku kin he miye ce, epe ciqon, heon, Taku śica eha ce, token eyakiyapi kta he.

Johannes 18:37

Hehan Pilate heciya; Wicaśtayatapi kin henica he. Unkan Jesus ayupte; Wicaśtayatapi hemaca e ecen eha; hemaca kta e on matonpi, qa heon makata wahi, wowicake mdaotanin kta e heon. Tuwe wowicake eciyatanhan un kinhan he miho kin naḣon ece.

Johannes 19:7

Wowakiconze wan unhapi, wowakiconze unhapi kin eciyatanhan ṭe kta iyececa, Wakantanka Cinhintku keic̣iye cin heon etanhan, Juda oyate kin eya ayuptapi.

Johannes 19:9

Qa woyaco tipi kin timahen kihde c̣a, Nitokiya tanhan he, Jesus eciya. Tuka Jesus ayupte śni.

Johannes 20:31

Tuka dena e owapi, heon Jesus he Messiya Wakantanka Cinhintku kin hee e wicayadapi kta; qa wicayadapi kin on, iye caje kin eciyatanhan, wiconi duhapi kta.

Johannes 6:69

Qa Messiya Wakantanka ni un Cinhintku kin he niye e wicaundapi qa sdonunyanpi ye, eya.

Johannes 8:25

Unkan, Tuwe niye he, eciyapi. Tokag ehan eciciyapi qon he dee, Jesus ewicakiya.

II. Korinth 1:19

Miye, qa Siluanos, qa Timotheos, Jesus Messiya Wakantanka Cinhintku kin unkoniciyakapi qon he, han, qa hiya, hee śni, tuka iye kin on, han ecedan.

I. Inyan 2:23

Kigepi qehan itkom wicakige śni; kakiśyapi he ehan owawicakiye śni; tuka tuwe owotanna wiyukcan ece kin he en ihdoya.