Mattheos 26:55 - Dakota Wowapi Wakan Kin

⁵⁵ Wihiyayedan oape kin he en Jesus oyate kin hewicakiya; Tokeca wamanon sa iyecen, mazasagye cansagye ko hduha takpe mayahipi he; anpetu otoiyohi tipi wakan kin ohna waonspeciciyapi manka, tuka mayaduzapi śni.

Mattheos 26:55 ပူးပေါင်းရင်းမြစ်များ

Mattheos 21:23

Unkan tipi wakan kin en hi, qa waonspewicakiya icunhan, wośnapi kagapi, qa oyate kin en wicaśta tankapi ko, en hipi qa heciyapi; Wicookihi tukte e on dena ecanon he; qa tuwe wicookihi kin de nic̣u he.

Mattheos 26:47

Unkan iahan icunhan, iho, Judas, akenonpapi kin wanji ee, he hi, qa wicota wośnapi kagapi qa oyate kin en wicaśta tankinyanyanpi etanhan, mazasagye cansagye ko yuha kici hipi.

Markos 10:1

Hetanhan najin hiyaye c̣a, Jordan akasanpatanhan, Juda makoce kin en hi: unkan ake oyate kin en witaya kata iheya; qa econ ece qon he iyecen ake wowicakiyaka.

Markos 12:35

Hehan Jesus tipi wakan kin ohna wowicakiyaka icunhan waayupte c̣a heya; Wowapi kagapi kin Messiya he Dawid Cinhintku ce, tokeca heyapi he.

Lukas 19:47

Unkan anpetu iyohi tipi wakan kin ohna waonspekiya. Tuka wawayuśnapi itancanpi, qa wowapi kagapi, qa oyate kin en wicaśta ihdawapi kin, hena ṭeyapi kta akitapi;

Lukas 20:1

Unkan anpetu kin hena wanji en tipi wakan kin ohna oyate kin waonspewicakiye, c̣a wootanin waśte kin he oyake c̣ehan, wawayuśnapi itancanpi, qa wowapi kagapi, qa wicaḣincapi kin, hena ekta ahi,

Lukas 4:20

Unkan wowapi kin ecen eyaku, qa ookiye kin he kicu, qa iyotanka. Unkan omniciye tipi kin ohna hiyeye cin owasin opaḣtapi.

Johannes 7:14

Wośnapi kin cokaya hdoipi, unkan Jesus tipi wakan ohna inajin, qa wowicakiyaka.

Johannes 7:28

Hehan Jesus tipi wakan kin ohna waonspekiya icunhan hotankakiya heya; Tuwe miye kin sdonmayayapi, qa tokiya tanhan wau kin he nakun: qa miye cinka wahi śni; tuka tuwe u maśi kin he wicaka, eqe sdonyayapi śni.

Johannes 8:2

Qa ihanḣanna anpao hehan tipi wakan kin en ki, unkan oyate kin owasin en ahi; unkan en iyotanke c̣a wowicakiyaka.

Johannes 8:20

Tipi wakan kin en mazaska opiye he cin he en, Jesus waonspewicakiya icunhan hena hewicakiya. Heca tuka tuwedan Jesus otan wacinpi śni, anpetu kin nahaḣin kicihi śni heon.