Mattheos 26:28 - Dakota Wowapi Wakan Kin

²⁸ Mawe kin he dee, wicotakuye teca kin en, wicota on papsonpi, woaḣtani kajuju kta heon.

Mattheos 26:28 ပူးပေါင်းရင်းမြစ်များ

Mattheos 20:28

He iyececa, Wicaśta Cinhintku wowidake wicayuhe kta on hi śni, tuka idakapi kta, qa wiconi tawa wokajuju kta wicota on wicaqu kta heon hi.

Mattheos 26:27

Qa wiyatke kin ehdaku, qa wopida eye c̣a wicaqu, qa heya; Owasin etanhan yatkan po.

Mattheos 26:29

Tuka heciciyapi, Detanhan hastanhanka iyuwi waskuyeca kin etanhan icimana mdatke kte śni, Ate tokiconze kin en anpetu wan teca unyatkanpi kte cin hehanyan.

Mattheos 6:12

Qa waunḣtanipi kin unkicicajuju po, tona waunkiciḣtanipi wicunkicicajujupi kin he iyececa:

Markos 1:4

Johannes ḣewotahedan baptem wicaqu, qa woaḣtani kajujupi kta, on iyopeic̣iyapi baptem wicaqupi kin he oyaka ece.

Markos 14:24

Unkan hewicakiya; Wicotakuye teca kin en, mawe kin he dee, wicota on papsonpi.

Lukas 22:19

Unkan aguyapi kin icu, qa wopida eye, c̣a yuśpaśpa, qa wicaqu, qa heya; Mitancan niyepi on qupi kin he dee ce; decen miksuya econ po.

Lukas 22:20

Unkan miniyatkan kin iś eya wotapi iyohakamya wicaqu, qa heya; Mawe niyepi kin on papsonpi kin, en okodakiciye teca kin, miniyatkan kin he dee ce.

Roma 5:15

Tuka woaḣtani qon he kici wowaonśida kin akidecece śni. Wicaśta wanjidan waḣtani qon he on wicota ṭapi hecinhan, he sam iyeya Wakantanka towaonśida, qa wowaonśida on ituwicakiḣanpi kin he wicaśta wanjidan, Jesus Messiya kin hee on wicota en wicakiciyuota kta.

Roma 5:19

Wicaśta wanjidan waanagoptan śni un qon he etanhan wicota waḣtani sa wicakagapi kin, he iyecen wanji waanagoptan un kin eciyatanhan wicota owotanna wicakagapi kta.

I. Korinth 11:25

Nakun iś eya iyecen wanna yatkan qehan, wiyatke kin icu qa heya; Mawe kin en wicotakuye teca kin he dee ce; decen econ po, tohanhan datkanpi eca, miksuya po.

Ephesos 1:7

He on wopekitonpi kin unhapi, iye we kin on, woaḣtani kajujupi kin hee, iye towaonśida tanka kin eciyatanhan:

Kolosse 1:14

He en, iye we kin eciyatanhan, wopekitonpi unhapi, woḣtani kajujupi kin hee:

Kolosse 1:20

Qa iye can susbeca we kin eciyatanhan wookiye kage c̣a, heon etanhan taku owasin iye kici okiciciye wicaye kta, taku maka akan un, qa taku maḣpiya ekta un kin hena, iye on.

Hebrew 10:29

Hecen tuwe Wakantanka Cinhintku we kin amani, qa wicotakuye we kin on yuecepidan qon he wakan śni dake c̣a, Wowaśte Woniya kin he taku i en hiyeye cinhan, he wokakije iyotan tanka hiyahde kte śni kecannipi he.

Hebrew 13:20

Unkan, Wookiye Wakantanka kin, Jesus Itancan unkiyapi, taḣinca awanwicahdake tana kin he, wiconṭe etanhan ake hiyuye ciqon he wicotakuye owihanke wanica we kin eciyatanhan,

Hebrew 9:28

He iyecen Messiya, wicota waḣtanipi kin yuhe kta e wancadan wayuśnapi; unkan, tona he wanyakapi kta ape yukanpi kin hena niwicaye kta e, woaḣtani codan, inonpa ihdutanin kta.

I. Johannes 2:2

Unkan waunḣtanipi wokajuju kin he iye; qa unkiye unkitawapi kin hecedan śni, tuka maka kin owancaya woaḣtani econpi kin hena.

Wayuotanin 7:14

Unkan, Itancan, niye sdonyaya ce, epa. Unkan hemakiya; Wicokakije tanka etanhan upi qon dena eepi, unkan wokoyake hdujajapi, qa Amnos we kin on hduskapi.

Wayuotanin 7:9

Hena taku kin iyohakam wanmdake c̣a, iho, wicota ḣinca, wicayawa kta tuwedan okihi śni, oyate hiyeye cin, qa wicoun kin, wicowazi kin, iapi ko owasin otoiyohi etanhanpi, oiyotanke kin itokam, qa Amnos kin itokam najinpi, wokoyake ska ece koyakapi, qa can wapa nape ohna yuhapi;