Mattheos 25:41 - Dakota Wowapi Wakan Kin

⁴¹ Hehan tona catka kin eciyatanhan unpi kin hewicakiye kta; Niyaśicapi kin, mitantanhan iyaya po, peta owihanke wanica ekta, wakanśica iye taokiyewicaye cin koya on kagapi qon.

Mattheos 25:41 ပူးပေါင်းရင်းမြစ်များ

Mattheos 13:40

Heon etanhan, wayahota pahipi qa peta en ḣuḣnagapi qon he wiconi kin de owihanke kin ekta hecece kta.

Mattheos 13:42

Qa peta mde kin en eḣpewicayapi kta; hen wicaceya hi hdakinskinzapi ko yuke kta.

Mattheos 13:50

Qa peta mde kin en iyoḣpewicayapi kta. Heciya wicaceya hi hdakinskinzapi ko yuke kta.

Mattheos 18:8

Heon etanhan, ninape qa nisiha waḣtaniniyanpi hecinhan, hena hdakse c̣a eḣpeya wo; huha kaksapi wiconi en yai kta hee waśte, qa nape nonpa qa siha nonpa hduha peta owihanke wanica en iyoḣpeniyanpi kte cin he śica.

Mattheos 25:42

Wotektewahda, tuka wo mayaqupi śni; imapuza, tuka wayatkemayakiyapi śni:

Mattheos 25:46

Unkan dena owihanke wanin wokakije kin en yapi kta; tuka wicaśta owotanna kin hena owihanke wanin wieoni kin en yapi kta.

Mattheos 3:12

Icaduge nape ohna hduha, owanka tanyan hdahinte kta, qa aguyapi su kin dotopiye ohna mnakiye kta, tuka ha kin peta kasnipica śni on ḣuḣnaḣye kta.

Mattheos 4:10

Hehan Jesus heciya; Satan miḣeyata ya wo; Itancan Wakantanka nitawa kin he ohoyada kta, qa iśnana wowidagniye kta ce, eya owapi tuka qon.

Mattheos 5:22

Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Mattheos 7:23

Tuka hehan hewicawakiye kta; Tohinni sdonciyapi śni, wicoḣan śica ecanonpi kin mitantanhan iyaya po.

Lukas 13:27

Tuka iye heye kta; Toni, tanhanpi kin sdonwaye śni, eciciyapi ce; woowotanna śni ecanonpi ece kin owasin mitantanhan iyaya po.

Lukas 16:24

Unkan heya niyan; Ate Abraham, onśimakida qa Lazaros u śi wo, napsukaza inkpa kin mini en oputkan qa ceji makasni kta; oide kin de ohna makakija ce.

Johannes 8:44

Wakanśica ateyayapi kin henitanhanpi, qa niyatepi tawacin kin ecen ecanonpi yacinpi ece. He otokahe etanhan tinwicakte kin heca, qa wowicake kin en najin śni, wowicake takudan en un śni nakaeś. Tohan woitonśni oyaka eca, he iye cinka ohdaka ece; iye kin woitonśni sa, qa woitonśni atkuku kin hee.

II. Thessalonike 1:7

Qa tona kakiśya yaunpi kin, niś niyepi kin oziic̣iya unkici yaunpi kta; tohan Jesus Itancan kin towaśake ohnihde wicaye cin om maḣpiya kin eciyatanhan ihdutaninyan u kinhan,

II. Thessalonike 1:9

Hena e Itancan itohnake kin etanhan, wicotakuni śni owihanke wanica on kakiświcayapi kta.

Hebrew 6:8

Tuka taku takanheca hu, qa wapepeka aicage cin he eḣpeyapi, qa yaśicapi kte cin kiyadan ihan, he owihanketa ḣuḣnage kta.

II. Inyan 2:4

Wakantanka maḣpiya ohnihde waḣtanipi qon hena wicakpatan śni, tuka wakanśica ti kin ekta iyayewicaya, qa woyaco kte cin hehanyan wicayuhapi kta e otpaza maza icicaḣiḣa on wicakaśka hecinhan;

I. Johannes 3:10

Detanhan Wakantanka cinca kin sdonwicayapi, qa nakun wakanśica cinca kin; tuwe taku owotanna ece econ śni kin he Wakantanka eciyatanhan śni, qa nakun tuwe hunkawanjitku tanyan cante kiyuze śni kin.