Mattheos 25:40 - Dakota Wowapi Wakan Kin

⁴⁰ Unkan Wicaśtayatapi kin waayupte c̣a hewicakiye kta; Awicakehan heciciyapi; Mihunkawanji kin dena cikcistinpidan hecawicayeconpi kin he miye ecamiyeconpi ece.

Mattheos 25:40 ပူးပေါင်းရင်းမြစ်များ

Mattheos 10:40

Tuwe iyowinniciyapi kin he iyowinmakiya; qa tuwe iyowinmakiye cin he tuwe umaśi kin he iyowinkiya ece.

Mattheos 10:42

Qa tuwe waonspekiyapi caje on, dena cikcistinpidan wanji wiyatke ohna mini sni ecedan yatkekiye cinhan, awicakehan heciciyapi, he iyunwin tawa toki eḣpekiye kte śni.

Mattheos 18:10

Ihnuhan dena cikcistinpidan wanjidan eśta śiceyadake cinhan; heciciyapi ce; Maḣpiya ekta ohnihdewicayapi tawapi kin hena Ate maḣpiya ekta un kin ite ohinniyan wanyakapi ece.

Mattheos 25:34

Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Mattheos 25:39

Tohinni waniyazanka qa kaśka nihnakapi yaun wanunniyakapi, qa en unnihipi he.

Mattheos 25:45

Hehan awicayupte c̣a heye kta; Awicakehan heciciyapi; Dena cikcistinpidan hecawicayeconpi śni kin he miye ecamiyeconpi śni ece.

Mattheos 28:10

Hehan hewicakiya; Kopehdapi śni po; mihunkawanji owicakiyag ya po, Galile ekta yapi kta; heciya wanmayakapi kta ce.

Markos 9:41

Tuwe micaje on miniyatke ohna mini datkanpi kta nic̣upi kinhan, Messiya niyuhapi kin heon, he wokajuju toki eḣpekiye kte śni, awicakehan eciciyapi.

Lukas 19:38

Qa heyapi; Wicaśtayatapi tuwe Itancan caje kin on u kin he yawaśtepi ce; maḣpiya ekta Wookiye, qa iyotan wankantu ekta wowitan un nunwe.

Johannes 20:17

Unkan Jesus heciya; Ihnuhan omayadutan kin; nahanḣin Ate ekta wahde śni ce. Tuka mihunkawanji ekta wicaye c̣a hewicakiya wo, Ate ekta wahde kta, he ate yayapi kin ee, he Wakantanka mitawa kin ee, qa niś he Wakantanka nitawapi kin ee ce, eya.

Roma 8:29

Tona otokaheya tanhan sdonwicakiye ciqon hena wicakicenza, iye Cinhintku nuncage kin en icagapi kte cin heon, qa hecen he hunkawanjitku ota ehna tokapa kta.

II. Korinth 4:5

Unkiye unkihdaotaninpi śni, tuka Messiya Jesus Itancan kin he unyaotaninpi ece; qa unkiye Jesus on ookiyewicayayapi kin.

Galatia 5:13

Mihunkawanji, tawaiciyapi kin en nicopi, tuka tawaiciyapi kin he wicaceḣpi iyokipi kta e wowinyunyanpi śni po; tuka wowaśte on otoiyohi okiciciya po.

Galatia 5:22

Tuka Woniya kin waskuyeca tawa kin he, wowaśtedake, wowiyuśkin, wookiye, wacintankapi, wicowaḣbayedan, wowaśte, wowacinye;

Galatia 5:6

Jesus Messiya en bakiḣdayapi kin he takudan okihi śni, qa nakun bakiḣdayapi śni kin; tuka wacinyanpi wowaśte en oḣanye cin he taku okihi ece.

Ephesos 5:30

He tancan, qa ceḣpi, qa huhu kin en, huha kin he unkiyepi.

Hebrew 6:10

Wakantanka owotanna, qa heon wicoḣtani, qa wowaśte wokicanye nitawapi, iye caje kin on ecanonpi, tona owotanna un owicayakiyapi, qa nahaḣin owicakiya dukanpi kin he akitonje kte śni.

I. Inyan 1:22

Woniya kin eciyatanhan wowicake anayagoptanpi kin heon nagi nihduskapi, hunkawanjinkiciyapi kin awicakehan waśtewicayadakapi kta, heon cante ecedan on otoiyohi nina waśtekicidaka po.

I. Johannes 4:20

Tuwe, Wakantanka waśtewadaka ce, eye c̣a hunkawanjitku śicekidake cinhan, he itonśni. Tuwe hunkawanjitku wanhdake cin he waśtekidake śni kinhan, token ecin Wakantanka wanyake śni kin waśtedaka okihi kta be.

Wayuotanin 17:14

Qa hena Amnos kin kici kicizapi kta, tuka Amnos kin wicaktedan kta, he itancanpi kin Itancan, qa wicaśtayatapi kin en Wicaśtayatapi kin hee, qa tona om un kin hena wicakicopi, qa wicakaḣnigapi, qa wicakapi.

Wayuotanin 19:16

Qa onḣoḣda ceca sani ko akan cajo kin owapi, Wicaśtayatapi kin en Wicaśtayatapi, qa itancanpi kin Itancan kin he dee.