Mattheos 25:36 - Dakota Wowapi Wakan Kin

³⁶ Tancomakadan, unkan waamayakaḣpapi; wamayazanka, unkan onśimayadapi; makaśkapi, unkan wanyag mayahipi ece.

Mattheos 25:36 ပူးပေါင်းရင်းမြစ်များ

Mattheos 25:37

Hehan wicaśta owotanna kin hena ayuptapi qa heciyapi kta; Itancan, tohinni wotekteyahda wanunniyakapi, qa wo unnic̣upi he; qa inipuza qa wayatkeunniciyapi he:

Mattheos 25:43

Wicaśta matokeca waun, tuka tin hiyumayayapi śni; tancodan waun, tuka wokoyake mayaqupi śni; wamayazanka qa kaśka mahnakapi waun, tuka onśimayadapi śni.

Lukas 3:11

Waayupte c̣a hewicakiya; Tuwe onḣdoḣda nonpa yuhe cinhan, he tuwe nice cin unma qu kta; qa tuwe woyute ton kinhan, iś eya ecen econ kta ce.

Olianyanpi kin 20:35

Hena owasin en waonspeciciyapi, hecen ḣtayanipi, qa tona waśake śni un kin owicayakiyapi kta, qa Jesus Itancan oie qonyeksuyapi kta, Wicaqupi kin hee wowaśte, qa icupi kin hee aoptetu, eye ciqon he.

Hebrew 10:34

Miye makaśkapi kin icunhan onśimayakidapi, qa woyuha duhapi qon nicipi kin he on widuśkinpi, maḣpiya ekta woyuha iyotan waśte ohinniyan ye kte cin he duhapi sdonyakiyapi kin heon etanhan.

Hebrew 13:3

Tona kaśka wicahnakapi kin hena om nicaśkapi kin iyecen wicakiksuya po; qa tona kakiśyapi un kin hena koya, wicatancan kin ohna dukanpi kin heon.

Jakob 1:27

Wakantanka qa Ateyapi kin itokam woohodapi opapi ecedan qa aśape śni kin he dee; Wamdenica qa wiwazica kakijapi eca en wicahipi, qa wicoicage kin en taku iyaonpepica śni ihduhapi kin hee.