Mattheos 25:34 - Dakota Wowapi Wakan Kin

³⁴ Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Mattheos 25:34 ပူးပေါင်းရင်းမြစ်များ

Mattheos 13:35

Hecen wicaśta wokcan taku eye ciqon yuecetupi, he hecen eya; Wiyacinpi on i wahdukawa kta; taku maka kagapi ehantanhan anaḣmanpi kin he omdake kta ce.

Mattheos 19:29

Qa tuwe kaśta, tipi, qa hunkawanjitku, qa tawinoḣtin, qa atkuku, qa hunku, qa tawicu, qa cinca, qa maga, micaje on etanhan eḣpeye cinhan, he opawinge akihde hduhe kta, qa nakun owihanke wanin wiconi mnaiciye kta.

Mattheos 20:23

Hehan hewicakiya; Awicakehan wiyatke mitawa kin etanhan datkanpi kta, qa baptem maqupi kte cin heon niś eya baptem nic̣upi kta; tuka ematapa qa camatka tanhan iyotankapi wicaqupi kte cin he miye mitawa śni; tuka Ate tona wiyeya wicakiciyuśtan kinhan hena tawapi kta.

Mattheos 21:5

Zion cunwintku kin heciya po; Iho, Wicaśtayatapi nitawa en niu, waḣbadan qa śonśonna wan akan iyotanka, śukcinca wan, śonśonna cinca kin akan u ce.

Mattheos 25:21

Unkan yuhe cin heciya; Han, wowidake waśte qa wacinyepica; taku tonana on wacinyepica yaun, taku ota yuheciciye kta; niyuha towiyuśkin kin en opa wo.

Mattheos 25:23

Itancan tawa kin heciya; Han, wowidake waśte qa wacinyepica; taku tonana on wacinyepica yaun, ito taku ota yuheciciye kta; niyuha towiyuśkin kin en opa wo.

Mattheos 25:40

Unkan Wicaśtayatapi kin waayupte c̣a hewicakiye kta; Awicakehan heciciyapi; Mihunkawanji kin dena cikcistinpidan hecawicayeconpi kin he miye ecamiyeconpi ece.

Mattheos 25:41

Hehan tona catka kin eciyatanhan unpi kin hewicakiye kta; Niyaśicapi kin, mitantanhan iyaya po, peta owihanke wanica ekta, wakanśica iye taokiyewicaye cin koya on kagapi qon.

Mattheos 27:37

Qa wiyaonpapi kin de owapi qa pa iwankam ehnakapi; JESUS, JUDA WICAŚTAYATAPI KIN HE DEE.

Mattheos 3:2

Qa heya; ihduecetu po, maḣpiya wokiconze kin wanna kiyedan u ce.

Mattheos 5:19

Heon etanhan, tuwe woahope kin dena wanji cistinna ahope śni, qa hecen wicaśta onspewicakiye cinhan, he maḣpiya wokiconze kin en iyotan cistinna yawapi kta; tuka tuwe ecen econ qa iyecen waonspewicakiye cinhan, he maḣpiya wokiconze kin en tanka yawapi kta.

Markos 10:17

Unkan canku kin ohna iyaye c̣ehan, wanji inyang u, qa en canpeśka makehde inajin, qa wiwanga; Waonspekiye waśte, wiconi owihanke wanice cin he ohimic̣iye kta e on taku ecamon kta he.

Markos 10:40

Tuka mietapa qa micatka tanhan iyotankapi kin wicaqupi kte cin he miye mitawa śni; tuka tona wiyeya wicakicihnakapi kta.

Lukas 11:28

Tuka iye heya; Han, tuka tona Wakantanka oie kin naḣonpi, qa ecen econpi kin hena iś iyotan wicayawaśtepi ce.

Lukas 11:50

Hecen maka kagapi kin ehantanhan wicaśta wokcanpi we papsonpi kin he owasin wicoicage kin de iwicawangapi kta;

Lukas 12:32

Optaye cistinna kin, wikopapi śni po; wokiconze kin hee nic̣upi kta e Ateyayapi kin iyokipi ece.

Lukas 19:38

Qa heyapi; Wicaśtayatapi tuwe Itancan caje kin on u kin he yawaśtepi ce; maḣpiya ekta Wookiye, qa iyotan wankantu ekta wowitan un nunwe.

Johannes 1:49

Nathanael ayupte c̣a heciya; Itancan, Wakantanka Cinhintku, Israel oyate Wicaśtayatapi kin he niye.

Johannes 12:13

Canwapa tanka etanhan canḣaka icupi, qa itkokim yapi, qa panyanhan heyapi; Hosanna, tuwe Israel Wicaśtayatapi, Jehowa caje kin on u kinhan, he yawaśtepi nunwe.

Johannes 17:24

Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.

Johannes 19:15

Tuka, Icunonpa, icunonpa iyeye c̣a icipaweḣ okatan wo, panyehan eyapi. Wicaśtayatapi nitawapi kin de icipaweḣ owakatan kta he, Pilate ewicakiya. Unkan wośna kagapi tankapi kin ayuptapi; Kesar ecedan wicaśtayatapi unhapi ce.

Olianyanpi kin 15:18

Otokaheya tanhan Wakantanka taku icaḣye cin owasin sdonkiya.

Olianyanpi kin 3:26

Wakantanka iye Cinhintku Jesus najinkiye c̣a niyawśśtepi kta e on niyepi tokaheya en u śi, otoiyohi wayaḣtanipi kin etanhan ihduhomni niyanpi kta e heon.

Roma 8:17

Unkan uncincapi kinhan tawayapi kte cin heuncapi; Wakantanka tawayapi; Messiya kici tawayapi kte cin; kici unkakijapi kinhan, nakun kici wowitan unhapi kta ce.

I. Korinth 15:50

Mihunkawanji kaken epa; Wicaceḣpi qa wicawe kih Wakantanka tokiconze kin tawapi kta okihipi śni, qa nakun wicaḣwin wicaḣwin kte śni kin tawa kte śni.

I. Korinth 2:9

Tuka wowapi qon iyececa; Tona Wakantanka waśtedakapi kin taku wicakiciyuśtan kin he wiciśta kin tohinni wanyake śni, qa wicanoge on naḣonpi śni, qa wicaśta cante kin mahen iyoḣpaye śni.

I. Korinth 6:9

Tona owotanna śni un kin hena Wakantanka tokiconze kin tawapi kte śni e sdonyayapi śni he. Ic̣ihnayanpi śni po: wiinaḣmanpi, qa wakagapi ohodapi sa, qa wawiciḣaḣapi econpi sa, qa winyan ic̣idapi kin, qa iwicahu sa.

Galatia 5:21

Winawizipi, tin wicaktepi, witkopi, qa witkoya wacipi, qa taku tona hecece cin hena ee; wanakaja ociciyakapi kin he iyecen nakaha eciciyapi, Tona taku hececa econpi kin hena Wakantanka tokiconze kin tawapi kte śni.

Ephesos 5:5

He de sdonyayapi, tuwe wawiciḣaḣapi econ, qa tuwe waaśape cin, qa tuwe waicucukte cin, he wakagapi cekiya ece, hena wanjidan eśta Messiya qa Wakantanka kici tokiconze kin en takudan tawapi kte śni.

I. Thessalonike 2:12

Wakantanka iye tokiconze, qa towitan kin en nicopi kin, he iyokipiya mayanipi kte cin heon.

II. Timotheos 2:12

Iye on unkakijapi kinhan, kici wicaśtayatapi unyakonpi kta. Qa unkiye eḣpeunyanpi kinhan, iś eya eḣpeunyanpi kta.

II. Timotheos 4:8

Qa tokata, woowotanna wateśdake wan mihnakapi, he Itancan wayaco owotanna kin maqu kta, anpetu kin he en; qa miye miśnana śni, tuka tona iye taninic̣iye kte cin waśtedakapi kin hena owasin koya.

Hebrew 1:14

Hena owasin taku wakan wawokiya, tona wiconi aiḣpewicayapi, qa tawapi kte cin hena owicakiyapi kta e u wicaśipi qon hena eepi śni he.

Hebrew 11:16

Tuka nakaha wanji iyotan waśte maḣpiya ekta wanke cin hee akitapi. Heon etanhan Wakantanka hena Wakantanka tawapi kin eciyapi kta iśtece śni, qa otonwe wan wiyeya ewicakicihnaka.

Hebrew 4:3

Tuka tona wicaundapi kin okiḣpapi kin en ounpapi kta; heye ciqon iyececa; Śinwahda on okiḣpapi mitawa kin en opapi kte śni ce, epa ce; maka icage cin hehantanhan wicoḣan kin yuśtanpi tuka.

Hebrew 9:26

He iyececa unkanś, maka kagapi kin ehantanhan, wanna ota akihde kakije kta tuka; tuka nakaha woicage ihanke kin en, iye waihduśna kin eciyatanhan, woaḣtani yutokan iyeye kta e on taninic̣iya.

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.

I. Inyan 1:9

Wacinyayapi ihanke kin iyacupi, ninagipi ni kte cin hee.

I. Inyan 3:9

Taku śica on itkom taku śica econpi śni po; qa nicigepi eśta wicakigepi śni po; tuka itkopatanhan wayawaśte po; heon nicopi, hecen woyawaśte tawayayapi kta e sdonya po.

Wayuotanin 13:8

Unkan tona maka akan unpi cajepi kin wiconi wowapi Amnos, maka kagapi kin hehantanhan wośnapi qon, he tawa kin en ewapi śni kin hena owasin wamanica kin ohodapi.

Wayuotanin 17:8

Wamanica wandake cin he un qon, qa un śni kin; qa wośbe cetete wanica etanhan hiyu kta, qa wicotakuni śni ekta hde kta. Qa tona maka akan unpi, maka kagapi kin ehantanhan, cajepi kin wiconi wowapi kin en owapi śni, hena wamanica kin wanyakapi kinhan yuśinyayapi kta, he un qon, qa un śni, qa hinaḣin un kin heon etanhan.

Wayuotanin 19:16

Qa onḣoḣda ceca sani ko akan cajo kin owapi, Wicaśtayatapi kin en Wicaśtayatapi, qa itancanpi kin Itancan kin he dee.

Wayuotanin 21:7

Tuwe ohiye cinhan he taku owasin tawaye kta, qa iye Wakantanka maye kta, qa miś he cinkśiwaye kta.

Wayuotanin 5:10

Qa Wakantanka ekta wicaśtayatapi wawayuśnapi ko unyakagapi; unkan maka kin oununyanpi kta ce.