Mattheos 25:32 - Dakota Wowapi Wakan Kin

³² Qa itokam oyate kin iyuḣpa mniciyapi kta; unkan wicayukinukan kta, waawanhdake wan taḣinca wanunyanpi, tatokadan etanhan wicapahi ece kin he iyececa.

Mattheos 25:32 ပူးပေါင်းရင်းမြစ်များ

Mattheos 13:49

Maka owihanke kinhan he iyecece kta; hehan maḣpiya ohnihde kin upi kta, qa tona śice cin owotanna unpi kin wiciyopeyapi kin hena iwicacupi kta;

Mattheos 28:19

Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

Mattheos 3:12

Icaduge nape ohna hduha, owanka tanyan hdahinte kta, qa aguyapi su kin dotopiye ohna mnakiye kta, tuka ha kin peta kasnipica śni on ḣuḣnaḣye kta.

Johannes 10:14

Waawanhdake waśte kin he miye, qa taḣinca mitawa kin hena sdonwicawakiya, qa mitawa kin iś nakun sdonmakiyapi ece.

Johannes 10:27

Taḣinca mitawa kin miho kin naḣonpi, qa hena sdonwicawakiya, qa mihakam unpi.

Roma 2:12

Tona woope codan waḣtanipi kin hena woope codan yutakunipi kte śni, qa tona woope kin en waḣtanipi kin hena woope kin eciyatanhan wicayacopi kta.

Roma 2:16

Anpetu wan en, Wakantanka wotanin waśtemitawa kin eciyatanhan, Jesus Messiya on, wicaśta taku naḣmana awacinpi kin yaco kinhan.

I. Korinth 4:5

Hecen iyehantu śni kin itokam takudan yacopi śni po, Itancan kin he hi śni kin hehanyan; he iye kin taku otpaza en naḣmanpi qon aiyoyam ye kta, qa wicocante awacinpi kin yuatanin kta; unkan hehan otoiyohi Wakantanka eciyatanhan idowanpi kta.

II. Korinth 5:10

Owasin Messiya tawoyaco oiyotanke kin itokam taninyan inaunjinpi kta, otoiyohi taku iye tancan kin ohna oḣanye cin hena icu kta, token econ qon eciyatanhan, he waśte qa śica unma tukte kaśta.