Mattheos 25:24 - Dakota Wowapi Wakan Kin

²⁴ Hehan tuwe tkeutapi tanka wanjidan icu qon he hi, qa heya; Itancan, wicaśta niteḣika sdonwaya, tukten woyaju śni eśta etanhan wamnayaya ece, qa tukten taku eḣpeyaye śni kin hetanhan wayapahi ece.

Mattheos 25:24 ပူးပေါင်းရင်းမြစ်များ

Mattheos 18:24

Unkan wicakiciyawa icunhan wanji mazaska tkeutapi tanka kektopawinge wikcemna iyohiye sni kin he ahipi.

Mattheos 20:12

Qa heyapi; Ehake hipi kin dena oape wanjidan ḣtanipi, tuka unkiye anpetu osan, wi kata eśta ḣtaunnipi, iyeuncecapi wicayakaga ece.

Mattheos 25:25

Qa kowakipa, heon imdamde c̣a mazaska tkeutapi tanka nitawa maka kin en nawaḣbe; iho, nitawa kin yahduha.

Mattheos 25:26

Itancan tawa kin waayupte c̣a heciya; Wowidake niśice c̣a nikuja; tukten wowaju śni kin hetanhan wamnawaya ece, qa tukten taku wakada śni hetanhan wawapahi ece e sdonyaya;

Mattheos 7:21

Tona, Itancan, Itancan, emakiyapi kin owasin maḣpiya wokiconze kin en yapi kte śni; tuka tuwe Atewaya maḣpiya ekta un kin tawacin kin ecen econ kinhan hee en un kta.

Lukas 15:29

Unkan waayupte c̣a atkuku kin heciya; Wanyaka wo, wanna waniyetu ota ociciye c̣a tohinni nioie kawape śni; hececa eśta kodawicawaye cin om wimduśkin kta e tacincadan wan tohinni mayaqu śni.

Lukas 19:13

Unkan taokiye wikcemna wicayuhe cin, hena wicakico, qa mazaska tkeutapi wikcemna wicaqu, qa hewicakiya; Tohanyan wahdi śni hehanyan un po.

Lukas 6:46

Unkan tukeca, Itancan, Itancan, emayakiyapi ece, qa taku epe cin ecen ecanonpi śni he.

Roma 8:7

Wicaceḣpi wicotawacin kin he Wakantanka toka ya. He Wakantanka toope kin ope śni, qa nakun ecaca okihi śni.

Roma 9:20

Hiya, wicaśta kin, niś nituwe he, hecen Wakantanka i en hiyeyaya he. Taku kagapi kin he tuwe kage cin, Tokeca hecen mayakaga he, eciye kta he.