Mattheos 25:21 - Dakota Wowapi Wakan Kin

²¹ Unkan yuhe cin heciya; Han, wowidake waśte qa wacinyepica; taku tonana on wacinyepica yaun, taku ota yuheciciye kta; niyuha towiyuśkin kin en opa wo.

Mattheos 25:21 ပူးပေါင်းရင်းမြစ်များ

Mattheos 24:45

Tuwe wowidake owotanna qa wayupika, itancan tawa tipi awanyagkiya, tohan iyehantu eca wo wicaqu ece e kta.

Mattheos 24:47

Awicakehan heciciyapi; Taku yuhe cin owasin awanyagkiye kta.

Mattheos 25:23

Itancan tawa kin heciya; Han, wowidake waśte qa wacinyepica; taku tonana on wacinyepica yaun, ito taku ota yuheciciye kta; niyuha towiyuśkin kin en opa wo.

Mattheos 25:46

Unkan dena owihanke wanin wokakije kin en yapi kta; tuka wicaśta owotanna kin hena owihanke wanin wieoni kin en yapi kta.

Lukas 12:44

Awicakehan heciciyapi; Taku token tawaye cin he owasin yuhekiye kta ce.

Lukas 16:10

Tuwe taku iyotan cistinna on wicaka hecinhan, hee taku ota nakun on wicaka ece; qa tuwe taku iyotan cistinna kin on owotanna śni hecinhan, hee taku ota kin nakun on owotanna śni ece.

Johannes 12:26

Tuwe omakiye kta cin kinhan mihakam un kta; qa tukten waun hecinhan mitaokiye kin is nakun hen un kta; nakun tuwe omakiye kta hecinhan, Ate wicaśta kin he yuonihan kta.

Johannes 14:3

Ekta mde c̣a oyanke ciciyuśtanpi kinhan, hehan ake wau qa acihdapi kta; hecen miś waun kin he en niś nakun yaunpi kta.

Johannes 17:24

Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.

Roma 2:29

Tuka tuwe mahen tanhan hecece cin he Juda wicaśta kin hee, qa bakiḣdayapi kin he oowa kin en he śni, tuka wicanagi kin en un kin hee; he wowitan kin wicaśta akantu eciyatanhan śni, tuka Wakantanka eciyatanhan un.

I. Korinth 4:5

Hecen iyehantu śni kin itokam takudan yacopi śni po, Itancan kin he hi śni kin hehanyan; he iye kin taku otpaza en naḣmanpi qon aiyoyam ye kta, qa wicocante awacinpi kin yuatanin kta; unkan hehan otoiyohi Wakantanka eciyatanhan idowanpi kta.

II. Korinth 10:18

Tuwe ihdaonihan kin he ecetudakapi kin ee śni, tuka Itancan kin tuwe yaonihan kin hee kta.

II. Korinth 5:9

He de aic̣iciya unkakitapi, ekta kici unyakonpi, qa iś den unkanpi, unma tukte kaśta, iyokipiunyanpi kte cin he.

Philippi 1:23

Taku nom aoṭins mayanpi; ekta mde c̣a Messiya kici waun kte ḣinca, he iyotan waśte.

I. Timotheos 3:13

Tona hunkayapi un wicoḣan kin tanyan yuḣapi kin hena wowitan waśte hdamnanpi, qa Jesus Messiya wacinyanpi kin en waditaka ic̣icagapi.

II. Timotheos 2:12

Iye on unkakijapi kinhan, kici wicaśtayatapi unyakonpi kta. Qa unkiye eḣpeunyanpi kinhan, iś eya eḣpeunyanpi kta.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.

Wayuotanin 21:7

Tuwe ohiye cinhan he taku owasin tawaye kta, qa iye Wakantanka maye kta, qa miś he cinkśiwaye kta.

Wayuotanin 3:21

Tuwe ohiye cinhan he oiyotanke mitawa kin akan mici iyotanke wakiye kta, miye ohiwaye c̣a Ate oiyotanke tawa kin akan weci imdotanke cin he iyecen.

Wayuotanin 7:17

Tuka Amnos kin, oiyotanke cokaya un kin he, hena wonwicaye c̣a, miniḣdoka ni un kin icahda yus awicaye kta: qa hena iśtapi kin etanhan Wakantanka iśtamnihanpe kin owasin wicakipakinte kta.