Mattheos 25:10 - Dakota Wowapi Wakan Kin

¹⁰ Unkan he opeton iyayapi, hehan tawicu ton kte cin he hi; unkan tona wiyeya unpi kin hena wakankiciyuzapi kte cin en kici iyayapi; hehan tiyopa kin ecen icupi.

Mattheos 25:10 ပူးပေါင်းရင်းမြစ်များ

Mattheos 24:42

Heon etanhan waktaya un po, wihiyayedan oape tukte en Itancan nitawapi u kta sdonyayapi śni.

Mattheos 24:43

Tuka de sdonya po; wicaśta tipi tawa kin wamanon sa tohan hi kta sdonya unkanś, kikta un qa tipi tawa yuḣdokapi kta iyowinwicakiye kte śni tuka.

Mattheos 24:44

Heon etanhan niś eya wiyeya un po; Wicaśta Cinhintku kin wihiyayedan oape tukte wanji en hi kta, he sdonyayapi śni.

Mattheos 25:6

Unkan hanyecokaya hehan wicaho wan tanin, Iho, tawicu ton kte cin he u ce; itkokim ya po.

Mattheos 7:21

Tona, Itancan, Itancan, emakiyapi kin owasin maḣpiya wokiconze kin en yapi kte śni; tuka tuwe Atewaya maḣpiya ekta un kin tawacin kin ecen econ kinhan hee en un kta.

Lukas 12:35

Ipiyag kiton yaunpi kta, qa petijanjan nitawapi ideyahan un kta;

Lukas 13:25

Tipi tawa kin tohan wanna najin hiyaye, c̣a tiyopa kin ecen ikikcu, qa itankan nayajinpi, qa tiyopa yakatotopi, qa; Itancan, Itancan, unkiciyuḣdoka miye, ehapi; qa iye waayupte c̣a, Tonitanhanpi kin sdonwaye śni ce, eniciyapi kta;

Kolosse 1:12

Qa Ateyapi kin wopida eyakiyapi kta, he iyoyanpa ekta tona owotanna un kin woaiḣpeye tawapi kte cin en ounpapi kta e iyehantu unyanpi:

II. Timotheos 4:8

Qa tokata, woowotanna wateśdake wan mihnakapi, he Itancan wayaco owotanna kin maqu kta, anpetu kin he en; qa miye miśnana śni, tuka tona iye taninic̣iye kte cin waśtedakapi kin hena owasin koya.

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.

Wayuotanin 1:7

Wanyaka po, maḣpiya śapa kin akan u; unkan wiciśta owasin wanyakapi kta, qa tona he capapi qon hena nakan, qa iye on oyate maka ohnaka kin owasin aic̣ipapi kta. Hecetu nunwe. Amen.

Wayuotanin 19:7

Heon etanhan piundapi, qa unkiyuśkinpi kta, qa wowitan unqupi kta; Amnos kin tohan tawicu ton kte cin wanna iyehantu, qa winoḣinca kin taku owasin wiyeya ekihnaka.

Wayuotanin 22:20

Tuwe hena yaotanin kin he kaken eya, Iho, kohanna wau kta ce. Amen. Itancan Jesus hecen yau nunwe.