Mattheos 25:1 - Dakota Wowapi Wakan Kin

¹ Hehan maḣpiya wokiconze kin witanśna unpi wikcemna iyacinpi kta; petijanjan ihupa ikikcupi qa tawicu ton kte cin he itkokim iyayapi.

Mattheos 25:1 ပူးပေါင်းရင်းမြစ်များ

Mattheos 13:24

Wiyacinpi tokeca wan owicakiyake c̣a heya; Maḣpiya wokiconze kin wicaśta wan iye tamaga en su waśteśte oju kin he iyececa.

Mattheos 13:31

Wiyacinpi tokeca wan owicakiyake c̣a heya; Maḣpiya wokiconze kin sinape su wanji iyececa, he wicaśta wan icu qa iye tamaga kin en oju.

Mattheos 13:38

Maga kin he maka ocowasin ee; su waśteśte qon he wokiconze cinca kin hena eepi; wayahota kin he tuwe śica cinca kin hena eepi:

Mattheos 13:47

Akeś maḣpiya wokiconze kin he ho wan, mde kin en iyoḣpeyapi, qa ocaje owasin etanhan manaye cin, he iyececa;

Mattheos 20:1

Maḣpiya wokiconze kin he wicaśta wan tipi yuhe cin he iyececa, he hanḣanna ḣinca hastanhanka iyuwi ojupi tawa kicanyanpi kte cin wicaśta opeton iyaya.

Mattheos 22:2

Wicaśta wan wicaśtayatapi heca cinhintku kin wakankiciyuzapi kicage cin he maḣpiya wokiconze kin iyececa.

Mattheos 25:7

Hehan witanśna unpi kin hena owasin iyotankapi, qa petijanjan kin piyapi.

Mattheos 3:2

Qa heya; ihduecetu po, maḣpiya wokiconze kin wanna kiyedan u ce.

Mattheos 5:16

He iyecen wicaśta itokam iyoyanpa nitawa iyojanjan kta, hecen wicoḣan waśte nitawa wanyakapi kta, qa maḣpiya ekta ateyayapi yanke cin he yuonihanpi kta.

Mattheos 9:15

Unkan Jesus hewicakiya; Wakankiciyuza cincapi kin tohanyan tawicu ton kte cin om un kinhan, hehanyan token ecin iyokiśicapi kta he; tuka anpetu u kta tawicu ton kte cin ewicakiciyakupi kta, unkan hehan akiḣaniciyapi kta.

Johannes 18:3

Heon Judas akicita wicoun wan icu, qa akicita tancan ko, wośna kagapi qa Pharisee kin etanhan, om wipe yuhapi, qa petijaujan can itkonya ko yuha en yapi.

Johannes 3:29

Tuwe tawicu ton kin he hihna yanpi kin hee, tuka hihna yanpi takodaku kin en taninyan anagoptan najin, qa hihna yanpi ho kin naḣon kin heon iyuśkin ece. Heon etanhan wowiyuśkin mitawa kin wanna yuecetupi ce.

Olianyanpi kin 20:8

Unkan wankan tipi ohna mniciya yukanpi kin he en petijanjan ota hdepi.

I. Korinth 11:2

Mihunkawanji, ciyatanpi e, taku owasin on miyeksuyapi, a woope cic̣upi qon eceḣin duhi i kin heon etanhan.

II. Korinth 11:2

Wakantanka winawizi kin iyecen inaciwizipi, wicaśta wanjidan kiciyus ciyapi, hokśiwinna ecedan un kin Messiya ekta aciipi kta heon.

II. Timotheos 4:8

Qa tokata, woowotanna wateśdake wan mihnakapi, he Itancan wayaco owotanna kin maqu kta, anpetu kin he en; qa miye miśnana śni, tuka tona iye taninic̣iye kte cin waśtedakapi kin hena owasin koya.

Titos 2:13

Qa wacinyanpi waśte ape unyakonpi kta, Wakantanka iyotan tanka, qa Jesus Messiya Wanikiya unhapi kin he wowitan hduna taniniciye kte cin hee.

Wayuotanin 14:4

Winoḣinca on aśamwicayapi śni kin hena eepi, tanśna unpi nakaeś. Tona Amnos kin tokiya ye cinhan iyahna yapi kin hena eepi. Wicaśta kin etanhan Wakantanka qa Amnos kin ekta opewicatonpi tokaheya kin hena eepi

Wayuotanin 19:7

Heon etanhan piundapi, qa unkiyuśkinpi kta, qa wowitan unqupi kta; Amnos kin tohan tawicu ton kte cin wanna iyehantu, qa winoḣinca kin taku owasin wiyeya ekihnaka.

Wayuotanin 21:2

Unkan Johannes he miye e otonwe wakan kin wamdaka, Jerusalem teca kin hee maḣpiya kin etanhan, Wakantanka eciyatanhan kun u, winoḣinca wan wicaśta hihna ton kte cin on wiyeya un kin he iyececa.

Wayuotanin 21:9

Hehan maḣpiya ohnihde śakowin wiyatke śakowin wicokakije ehake śakowin kin on ojudan yuhapi qon hena etanhan wanji hi, qa omakiye c̣a heya, U wo, winoḣinca wan Amnos kin tawicuye kte cin he cicipazo kta ce.

Wayuotanin 4:5

Unkan oiyotanke kin etan han wakanhdi qa wakinyan hotonpi qa wicaho hiyu; qa oiyotanke kin itokam petijanjan śakowin peta ece ideyapi, hena Wakantanka taniya śakowin kin heepi.

Wayuotanin 8:10

Unkan maḣpiya ohnihde iciyamni kin he yahoton, qa wicanḣpi wan tanka ideyapi petijanjan iyececa, maḣpiya kin eciyatanhan hinḣpaye c̣a wakpa iyamnimni kin ahinḣpaye c̣a mini ḣdoka kin en.