Mattheos 24:9 - Dakota Wowapi Wakan Kin

⁹ Hehan wicokakije en yeniyanpi kta qa niktepi kta; qa micaje on oyate owasin śicenidapi kta.

Mattheos 24:9 ပူးပေါင်းရင်းမြစ်များ

Mattheos 22:6

Qa hunḣ wicakico ipi kin hena wicayuzapi, qa śicaya wicakuwapi qa wicaktepi.

Mattheos 23:34

Heon etanhan iho, wicata wokcan, wicaśta ksapa, wowapi kagapi hena koya, niyepi ekta yewicawaśi; unkan etanhan apa wicayaktepi kta, qa icipaweḣ owicayakatanpi kta; qa apa omniciye tipi nitawapi kin ohnahna wicayakapsinpsintapi kta; qa otonwe iyasyaza śicaya wicayakuwapi ece e kta.

Lukas 11:49

Heon iś eya Wakhntanka toksape kin heya; Waayatapi qa wahośiyapi heca ekta yewicawaśi kta ce; unkan apa wicaktepi, qa onśiya wicakuwapi kta;

Lukas 21:12

Tuka taku kin dena owasin itokaptu, micaje kin on etanhan iyaniḣpayapi, qa śicaya nicuwapi, qa omniciye tipi, kaśka wicahnakapi tipi ko en aniyanpi, qa wicaśtayatapi wicaśta iwicadakapi kin ko wicitokam aniyanpi kta ce:

Johannes 15:18

Oyate kin śice nidapi eśta, he itokam miye śice madapike ciqon he sdonyayapi.

Johannes 15:21

Tuka micaje kin on hena owasin ecen ecaniconpi kta; tuwe u maśi kin he sdonyapi śni heon etanhan.

Johannes 16:2

Omniciye tipi kin etanhan tankan iyeniyanpi kta; nakun anpetu wan u kta, hehan tuwe kaśta niktepi kinhan, he Wakantanka iyokipiya kecin kta.

Olianyanpi kin 28:22

Tuka niś token nitawacin kin naunniḣonpi kta uncinpi, yuomdecapi kin de owancaya yaśicapi e sdonunyanpi ce.

Olianyanpi kin 7:59

Unkan Stephanos inyan on kininpi, he icunhan cekiye c̣a heya, Jesus Itancan, minagi kin ehdaku wo.

I. Inyan 4:16

Hececa eśta tuwe Messiya tawa kin on kakiśyapi kinhan iśtece kte śni; tuka heon Wakantanka yatan kta.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.

Wayuotanin 2:13

Nioḣan kin sdonwaya, qa tukten Satan oiyotanke tawa yanke cin hen yati; qa micaje in yuha yaun, qa wacinmayanpi kin aduśtan śni, anpetu kin Antipas waayatanin wicaka mitawa kin niyepi kin en, tukten Satan ti kin, hen ktepi qon he ehan.

Wayuotanin 7:14

Unkan, Itancan, niye sdonyaya ce, epa. Unkan hemakiya; Wicokakije tanka etanhan upi qon dena eepi, unkan wokoyake hdujajapi, qa Amnos we kin on hduskapi.